صحيح الادب المفرد

سیدنا ابودرداء نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”کیا میں تمہیں نماز ، روزہ ، اور صدقے سے بھی افضل درجہ نہ بتا دوں“ ، لوگوں نے عرض کیا ضرور ، آپ صلی اللہ علیہ وسلم نے فرمایا : ”لوگوں میں صلح صفائی کرا دینا ، اور اس کے برعکس لوگوں میں فساد پھیلانا ، یہ (عادت) تو (ایمان کو) مونڈ دینے والی ہے ۔ “

سیدنا ابن عباس رضی اللہ عنہ نے آیت قرانی «فَاتَّقُوا اللَّهَ وَأَصْلِحُوا ذَاتَ بَيْنِكُمْ» ‏ ”اللہ سے ڈرو اور آپس میں صلح صفائی رکھو“ کے بارے میں فرمایا : یہ حکم اللہ کی طرف سے اہل ایمان پر واجب ہے کہ وہ اللہ سے ڈریں اور آپس میں صلح صفائی رکھا کریں ۔