حدیث نمبر: 70
70/95 عن أبي سعيد، عن النبي صلى الله عليه وسلم قال: " من لا يرحم لا يرحم".
ترجمہ:مولانا عثمان منیب
سیدنا ابوسعید رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”جو رحم نہیں کرتا اس پر رحم نہیں کیا جاتا ۔ “
حدیث نمبر: 71
71/96 عن جرير بن عبد الله قال : قال رسول الله صلى الله عليه وسلم : " لا يرحم الله من لا يرحم الناس"، ( وفي طريق أخرى بلفظ : " من لا يرحم الناس لا يرحمه الله " 97).
ترجمہ:مولانا عثمان منیب
سیدنا جریر بن عبداﷲ رضی اللہ عنہ سے روایت ہے ۔ انہوں نے کہا کہ رسول اللہ صلی اللہ علیہ وسلم نے فرمایا : ”اس شخص پر اﷲ رحم نہیں کرتا جو انسانوں پر رحم نہیں کرتا۔ “ دوسری سند میں یہ الفاظ ہیں : ”جو انسانوں پر رحم نہیں کرتا اس پر اﷲ بھی رحم نہیں کرتا ۔“
حدیث نمبر: 72
72/99 عن أبي عثمان ؛ أن عمر رضي الله عنه استعمل رجلاً، فقال العامل : إن لي كذا وكذا، الولد، ما قبلتُ واحداً منهم! فزعم عمرُ، أو قال عمرُ: " إن الله عز وجل لا يرحمُ من عباده إلا أبرّهم".
ترجمہ:مولانا عثمان منیب
ابوعثمان سے مروی ہے کہ سیدنا عمر رضی اﷲ عنہ نے ایک شخص کو عامل مقرر کیا ۔ عامل نے کہا: میرے اتنے اتنے لڑکے ہیں ، میں نے ان میں سے کسی کا بوسہ نہیں لیا تو سیدنا عمر رضی اﷲ عنہ نے خیال کیا یا عمر نے کہا: اﷲ عزوجل اپنے بندوں میں صرف ان پر رحم فرما تا ہے جو ان میں سے سب سے اچھا سلوک کرتا ہو ۔