حدیث نمبر: 62
62/58 عن ابن أبي نعم قال: كنت شاهداً ابن عمر، إذا سأله رجل عن دم البعوضة؟ فقال: ممن أنت؟ فقال: من أهل العراق. قال: انظروا إلى هذا يسألني عن دم البعوضة، وقد قتلوا ابن النبي صلى الله عليه وسلم، سمعت النبي صلى الله عليه وسلم يقول: ((هما ريحانيّ من الدّنيا)).ترجمہ:مولانا عثمان منیب
ابن ابی نعم سے روایت ہے ، انہوں نے کہا : میں سیدنا ابن عمر رضی اللہ عنہما کے پاس موجود تھا کہ ایک آدمی نے ان سے مچھر کے خون کے بارے میں پوچھا ۔ انہوں نے فرمایا : تم کہاں کے ہو ؟ اس نے کہا : عراق والوں میں سے ہوں ۔ انہوں نے فرمایا : اسے دیکھو ! یہ مجھ سے مچھر کے خون کے بارے میں پوچھتا ہے ، حالانکہ ان لوگوں نے نبی صلی اللہ علیہ وسلم کے بیٹے (نواسے) کو قتل کر دیا ، میں نے نبی صلی اللہ علیہ وسلم کو یہ فرماتے ہوئے سنا : ”وہ دونوں (حسن و حسین) دنیا میں میرے دو پھول ہیں ۔“
