سنن نسائي
ذكر ما يوجب الغسل وما لا يوجبه— ابواب: جن چیزوں سے غسل واجب ہو جاتا ہے اور جن سے نہیں ہوتا
بَابُ : الْغُسْلِ مِنْ مُوَارَاةِ الْمُشْرِكِ باب: مشرک کو دفنانے کے بعد غسل کرنے کا بیان۔
أَخْبَرَنَا مُحَمَّدُ بْنُ الْمُثَنَّى ، عَنْ مُحَمَّدٍ ، قال : حَدَّثَنِي شُعْبَةُ ، عَنْ أَبِي إِسْحَاقَ ، قال : سَمِعْتُ نَاجِيَةَ بْنَ كَعْبٍ ، عَنْ عَلِيٍّ رَضِيَ اللَّهُ عَنْهُ ، أَنَّهُ أَتَى النَّبِيَّ صَلَّى اللَّهُ عَلَيْهِ وَسَلَّمَ ، فَقَالَ : إِنَّ أَبَا طَالِبٍ مَاتَ ، فَقَالَ : " اذْهَبْ فَوَارِهِ " ، قَالَ : إِنَّهُ مَاتَ مُشْرِكًا ، قَالَ : " اذْهَبْ فَوَارِهِ ، فَلَمَّا وَارَيْتُهُ رَجَعْتُ إِلَيْهِ ، فَقَالَ لِي : اغْتَسِلْ " .
´علی رضی اللہ عنہ سے روایت ہے کہ` وہ نبی اکرم صلی اللہ علیہ وسلم کے پاس آئے اور کہنے لگے : ابوطالب مر گئے ہیں ، آپ صلی اللہ علیہ وسلم نے فرمایا : ” جاؤ انہیں گاڑ دو “ تو انہوں نے کہا : وہ شرک کی حالت میں مرے ہیں ؟ آپ صلی اللہ علیہ وسلم نے فرمایا : ” جاؤ انہیں گاڑ دو “ ، چنانچہ جب میں انہیں گاڑ کر آپ کے پاس واپس آیا ، تو آپ صلی اللہ علیہ وسلم نے مجھ سے فرمایا : ” غسل کر لو “ ۔
حضرت علی رضی اللہ عنہ سے روایت ہے کہ میں نبی ﷺ کے پاس گیا اور کہا: ”ابو طالب فوت ہو گئے ہیں۔“ آپ ﷺ نے فرمایا: ”جاؤ اسے دبا آؤ۔“ حضرت علی رضی اللہ عنہ نے کہا: ”بلاشبہ وہ مشرک فوت ہوئے ہیں۔“ آپ ﷺ نے فرمایا: ”جاؤ اسے دبا آؤ۔“ جب میں نے انہیں دبا دیا تو میں آپ ﷺ کے پاس آیا، آپ ﷺ نے مجھ سے فرمایا: ”غسل کرو۔“
تشریح، فوائد و مسائل
علی رضی اللہ عنہ سے روایت ہے کہ وہ نبی اکرم صلی اللہ علیہ وسلم کے پاس آئے اور کہنے لگے: ابوطالب مر گئے ہیں، آپ صلی اللہ علیہ وسلم نے فرمایا: " جاؤ انہیں گاڑ دو " تو انہوں نے کہا: وہ شرک کی حالت میں مرے ہیں؟ آپ صلی اللہ علیہ وسلم نے فرمایا: " جاؤ انہیں گاڑ دو "، چنانچہ جب میں انہیں گاڑ کر آپ کے پاس واپس آیا، تو آپ صلی اللہ علیہ وسلم نے مجھ سے فرمایا: " غسل کر لو۔" [سنن نسائي/ذكر ما يوجب الغسل وما لا يوجبه/حدیث: 190]
➋ اگر کوئی شخص کفر و شرک پر فوت ہوا ہو تو اس کے مسلمان ورثاء پر یہ حکم عائد ہوتا ہے کہ اس کی لاش کو دفنا دیں لیکن اس کے کفن دفن میں اسلامی طریقۂ کار اختیار نہ کیا جائے بلکہ غیرمسنون طریقے سے دھونے اور ڈھانپنے کے بعد اس کی لاش کو دبا دیا جائے۔ مسنون وضو، غسل، مسنون کفن، قبلے رخ اور دعاؤں وغیرہ سے اجتناب کیا جائے۔
➌ چونکہ کافر پلید ہے، مرنے کے بعد مزید پلید ہو جاتا ہے، لہٰذا اسے نہلانے اور دبانے کے بعد غسل کیا جائے تاکہ جو چھینٹے جسم یا کپڑوں پر پڑے ہیں، ان کا ازالہ ہو جائے۔ اکثر اہل علم نے اس غسل کو استحباب پر محمول کیا ہے مگر غسل کی علت کا لحاظ کیا جائے، خصوصاً جبکہ غسل کرنے کا حکم بھی ہے تو اسے واجب کہنا ہی اقرب الی الصواب معلوم ہوتا ہے۔ واللہ أعلم۔
➍ اپنے قریبی رشتے داروں کے ساتھ حسن سلوک سے پیش آنا چاہیے اگرچہ وہ کافر ہی ہوں۔
علی رضی الله عنہ کہتے ہیں کہ میں نے نبی اکرم صلی اللہ علیہ وسلم سے پوچھا: آپ کے بوڑھے گم کردہ راہ چچا (ابوطالب) مر گئے ہیں، انہیں کون دفن کرے؟ آپ نے فرمایا: " تم جاؤ اور اپنے باپ کو دفن کر دو اور کوئی نئی چیز نہ کرنا جب تک میرے پاس لوٹ نہ آنا "، چنانچہ میں انہیں دفن کر آیا، تو آپ نے میرے لیے (نہانے کا) حکم دیا، میں نے غسل کیا، اور آپ نے مجھے دعا دی۔ راوی ناجیہ بن کعب کہتے ہیں: اور علی رضی اللہ عنہ نے ایک ایسی دعا کا ذکر کیا جسے میں یاد نہیں رک [سنن نسائي/كتاب الجنائز/حدیث: 2008]
(2) "دفن کرو" کافر رشتہ دار کو بھی دفن کیا جائے گا،،خصوصاً جبکہ وہ والد ہو تو پھر احترام کے ساتھ دفن کرنا ہوگا۔ ﴿وَصَاحِبْهُمَا فِي الدُّنْيَا مَعْرُوفًا﴾ (لقمان: 15:31) البتہ مسنون تکفین و تدفین صرف مسلمان کے لیے ہوگی، نیز کافر کی قبر مسلمانوں کی قبروں سے الگ جگہ ہونی چاہیے۔
علی رضی اللہ عنہ کہتے ہیں میں نے نبی اکرم صلی اللہ علیہ وسلم سے عرض کیا کہ آپ کا بوڑھا گمراہ چچا مر گیا ہے، آپ صلی اللہ علیہ وسلم نے فرمایا: " جاؤ اور اپنے باپ کو گاڑ کر آؤ، اور میرے پاس واپس آنے تک بیچ میں اور کچھ نہ کرنا "، تو میں گیا، اور انہیں مٹی میں دفنا کر آپ کے پاس آ گیا، آپ صلی اللہ علیہ وسلم نے مجھے غسل کرنے کا حکم دیا تو میں نے غسل کیا، آپ صلی اللہ علیہ وسلم نے میرے لیے دعا فرمائی۔ [سنن ابي داود/كتاب الجنائز /حدیث: 3214]
1۔
یہ واضح دلیل ہے۔
کہ رسول اللہ ﷺ کے چچا ابو طالب کی وفات اسلام پرنہیں ہوئی۔
بلکہ کفر پرہوئی ہے۔
اسلئے ان کی نماز جنازہ بھی نہیں پڑھی گئی۔
نبی کریم ﷺ نے نماز جنازہ پڑھی۔
نہ حضرت علی رضی اللہ تعالیٰ عنہ نے اور نہ کسی اور نے2۔
ابوطالب چونکہ نعمت اسلام سے انکاری رہے اور شرک ہی پر مرے۔
اس لئے ایسے آدمی کی تکفین وتدفین کے لئے کوئی شرعی آداب نہیں حتیٰ کہ لفظ دفن بھی استعمال نہیں کیا گیا۔
3۔
مشرک رشتہ دار کوگڑھے میں دبادینا ہی کافی ہے۔
4۔
ایسی صورت میں بعد از دفن غسل کرنا مسنون ہے۔