موطا امام مالك رواية يحييٰ

امام مالک رحمہ اللہ کو پہنچا کہ اُم المؤمنین سیدہ عائشہ رضی اللہ عنہا نماز پڑھتی تھیں کرتہ اور سر بندھن میں۔

سیدہ اُم حرام رضی اللہ عنہا سے روایت ہے کہ انہوں نے پوچھا اُم المؤمنین سیدہ اُم سلمہ رضی اللہ عنہا سے کہ عورت کس قدر کپڑوں میں نماز پڑھ سکتی ہے؟ تو جواب دیا کہ خمار اور کرتہ میں، مگر وہ کرتہ ایسا لمبا ہو کہ اس سے پاؤں ڈھپ جائیں۔

عبیداللہ خولانی جو لے پالک تھے اُم المؤمنین سیدہ میمونہ رضی اللہ عنہا کے۔ ان سے روایت ہے کہ سیدہ میمونہ رضی اللہ عنہا نماز پڑھتی تھیں کرتہ اور خمار یعنی سر بندھن میں اور ازار نہیں پہنے ہوتی تھیں۔

حضرت عروہ بن زبیر سے ایک عورت نے پوچھا کہ ازار باندھنا دشوار ہوتا ہے مجھ کو کیا نماز پڑھ لوں کرتہ اور سر بندھن میں؟ جواب دیا عروہ نے کہ ہاں جب کرتہ خوب بڑا ہو۔