المستدرك على الصحيحين

قال ابن عُمر: كان محمد بن مَسلَمة يُكنى أبا عبد الرحمن أسلمَ بالمدينة على يد مُصعب بن عُمَير قبل إسلام أُسَيد بن الحُضَير وسعد بن مُعاذ، وآخَى رسولُ الله ﷺ بينَه وبين أبي عُبيدة بن الجَرّاح، وشهد بدرًا وأحُدًا، وكان فيمن ثَبَتَ يومَ أُحُد مع رسول الله ﷺ حين ولَّى الناسُ، وشَهِدَ الخندقَ والمشاهدَ مع رسول الله ﷺ، ما خلا تَبوكَ؛ فإنَّ رسول الله ﷺ خَلَّفَه بالمدينة حين خَرَج إليها، وكان فيمن قَتَل كعبَ بن الأَشرفِ (2).

ابن عمر رضی اللہ عنہما سے روایت ہے کہ سیدنا محمد بن مسلمہ رضی اللہ عنہ کی کنیت ”ابو عبد الرحمن“ تھی، آپ مدینہ منورہ میں سیدنا اسید بن حضیر اور سیدنا سعد بن معاذ رضی اللہ عنہما سے بھی پہلے سیدنا مصعب بن عمیر رضی اللہ عنہ کے ہاتھ پر اسلام لائے تھے، رسول اللہ ﷺ نے ان کے اور سیدنا ابو عبیدہ بن جراح رضی اللہ عنہ کے درمیان بھائی چارہ (مواخات) قائم فرمایا تھا، وہ غزوۂ بدر اور احد میں شریک ہوئے اور احد کے دن ان لوگوں میں شامل تھے جو لوگوں کے پیچھے ہٹ جانے کے باوجود رسول اللہ ﷺ کے ساتھ ثابت قدم رہے، آپ غزوۂ خندق اور رسول اللہ ﷺ کے ساتھ تمام غزوات میں شریک رہے سوائے غزوۂ تبوک کے، کیونکہ رسول اللہ ﷺ نے تبوک کی روانگی کے وقت انہیں مدینہ منورہ میں اپنا نائب مقرر فرمایا تھا، اور آپ کعب بن اشرف کو قتل کرنے والوں میں بھی شامل تھے۔