مسند عمر بن عبد العزيز

طلحہ بن عبید اللہ رضی اللہ عنہ نے بیان کیا میں نے رسول اللہ صلی اللہ علیہ وسلم کو منبر پر بیان فرماتے سنا: خبردار اے لوگو! موت سے قبل اپنے رب سے گناہوں کی معافی مانگ لو ، اور مصروف ہونے سے پہلے نیک اعمال کرنے میں جلدی کر لو ، جو تمہارے اور تمہارے رب کے درمیان تعلق ہے، اس کو کثرت ذکر اور مخفی و علانیہ کثرت صدقہ سے مضبوط کرو۔ دنیا سے بے رغبتی اختیار کرو ، اجر و ثواب کماؤ، (دوسروں کی) مدد کرو اور جان لو ! بے شک اللہ تعالی نے تم پر جمعہ فرض کیا، میرے اس کھڑے ہونے کی جگہ ، میرے اس دن، میرے اس مہینے میں میرے اس سال سے لے کر قیامت کے دن تک ، جس نے اس کو میری زندگی میں یا میری وفات کے بعد چھوڑ دیا، اس کے لیے امام ہے اللہ اس کے بکھرے کام نہ سمیٹے ، اللہ اس کے معاملات میں برکت نہ پیدا کرے ، اس کی کوئی نیکی (قبول ) نہیں ، نہ اس کا روزہ ہے نہ نماز ، خبردار ! عورت کسی مرد کی ، اعرابی کسی مہاجر کی ، اور فاجر کسی مومن کی امامت نہ کرائے ، مگر یہ کہ اسے بادشاہ مجبور کرے جس کی تلوار اور کوڑے سے وہ ڈرتا ہو۔