مسند الإمام الشافعي

مجاہد سے روایت ہے کہ زید بن ثابت رضی اللہ عنہ نے مکاتب غلام کے متعلق فرمایا: ”جب تک اس پر ایک درہم (کی ادائیگی) بھی باقی ہے، وہ غلام ہی ہے۔“

اسماعیل بن امیہ سے روایت ہے کہ نافع نے انہیں بتایا کہ عبد اللہ بن عمر رضی اللہ عنہما نے اپنے غلام سے تیس ہزار پر مکاتبت کر لی۔ پھر وہ غلام ان کے پاس آیا اور اس نے کہا: ”میں (رقم ادا کرنے سے) عاجز آچکا ہوں“۔ ابن عمر رضی اللہ عنہما نے فرمایا: ”تب اپنی مکاتبت کی تحریر کو مٹا دو“۔ اس نے کہا: ”میں بے بس ہوں، آپ خود ہی مٹا دیں“۔ نافع نے کہا: ”میں نے اس غلام کو اشارہ کیا کہ اسے مٹا دے کیونکہ وہ (ابن عمر) اسے آزاد کرنا چاہتے تھے“۔ اس غلام نے مکاتبت کو مٹا دیا، اس کے ایک یا دو بیٹے تھے۔ ابن عمر رضی اللہ عنہما نے فرمایا: ”میری لونڈی سے علیحدہ ہو جا“۔ نافع نے کہا: بعد میں ابن عمر رضی اللہ عنہما نے اس کے بیٹے کو بھی آزاد کر دیا۔