صحيح مسلم

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وسلم سے مذکورہ بالا روایت بیان کرتے ہیں۔ [صحيح مسلم، حديث نمبر:7131]

حدیث حاشیہ: مفردات الحدیث:
مكاره: مكروه کی جمع ہے، ایسے کام اور عمل جو محنت ومشقت کے متقاضی ہیں، جن کی خاطر خواہشات اور لذت انگیز چیزوں سے رکنا پڑتا ہے۔
فوائد ومسائل: جنت انتہائی راحت و آرام کی جگہ ہے، اس لیے اس کے حصول کے لیے محنت و طلب ور صبر آزمااعمال کرنے پڑتے ہیں اور دوزخ انتہائی تکلیف دے اور مضرت رساں مقام ہے، اس لیے اس کے حصول کے لیے کسی محنت و مشقت کی ضرورت نہیں ہے، بلکہ من مانی کر کے اور خواہشات کا اسیر بن کر، انسان اس میں داخل ہوجائےگا، کسی پابندی اور رکاوٹ کی ضرورت نہیں ہے۔