مصنف ابن ابي شيبه

حضرت جابر بن سمرہ سے روایت ہے کہ نبی کریم صلی اللہ علیہ وآلہ وسلم کے دو خطبے تھے آپ صلی اللہ علیہ وآلہ وسلم ان میں بیٹھتے تھے، قرآن پڑھتے تھے اور لوگوں کو تذکیر کرتے تھے۔

حضرت جعفر اپنے والد سے روایت کرتے ہیں کہ نبی کریم صلی اللہ علیہ وآلہ وسلم کھڑے ہو کر خطبہ دیتے تھے پھر آپ صلی اللہ علیہ وآلہ وسلم بیٹھ جاتے پھر آپ صلی اللہ علیہ وآلہ وسلم کھڑے ہوتے پس آپ صلی اللہ علیہ وآلہ وسلم دو خطبے ارشاد فرماتے ۔

حضرت صالح مولی التوامہ بیان کرتے ہیں کہ مروان نے حضرت ابوہریرہ کو مدینہ کا خلیفہ بنایا تو آپ ہمیں جمعہ پڑھاتے تھے اور دو خطبے ارشاد فرماتے تھے اور دو مرتبہ بیٹھتے تھے۔ اور (امام) ابوحنیفہ کا قول یہ ذکر کیا گیا ہے کہ : امام صرف ایک مرتبہ بیٹھے گا۔