مصنف ابن ابي شيبه

حضرت عقبہ بن عامر سے روایت ہے کہ رسول اللہ صلی اللہ علیہ وآلہ وسلم کا ارشاد ہے کہ غلام کا عہدہ (اختیار) تین دن ہے۔

حسن فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا : چار دن سے زیادہ عہدہ (واپسی کا اختیار) نہیں ہے۔

حضرت محمد بن یحییٰ بن حبان فرماتے ہیں کہ ابن زبیر نے غلام (کی واپسی) کا عہدہ تین دن بیان فرمایا کیونکہ نبی کریم صلی اللہ علیہ وآلہ وسلم نے حضرت منقذ بن عمرو سے فرمایا تھا (جب تم خریداری کرو تو) کہو ۔ کوئی دھوکہ نہیں ہے۔ جب تم کچھ فروخت کرو گے تو تمہیں تین دن کا اختیار ہوگا۔

حضرت عبد اللہ بن ابی بکر روایت کرتے ہیں کہ میں نے ابان بن عثمان اور ہشام بن اسماعیل کو غلام کے بارے میں عہدہ کی تعلیم دیتے سُنا کہ بخار اور پیٹ (کے مرض) میں تین دن کا اختیار ہے اور جنون، کوڑہ میں ایک سال کا اختیار ہے۔ اور (امام) ابوحنیفہ کا قول یہ ذکر کیا گیا ہے کہ : جب عاقدین جُدا ہوجائیں تو پھر انہیں بغیر عیب کے مبیع کو ردّ کرنے کا اختیار نہیں ہے۔