مصنف ابن ابي شيبه

حضرت ابو مسعود سے روایت ہے کہ نبی کریم صلی اللہ علیہ وآلہ وسلم نے زانیہ عورت کے مہر سے اور کتے کے ثمن سے منع فرمایا ہے۔

حضرت ابوہریرہ سے روایت ہے کہ نبی کریم صلی اللہ علیہ وآلہ وسلم نے زانیہ کے مہر سے اور کتے کے ثمن سے منع فرمایا ہے۔

حضرت محمد بن سیرین فرماتے ہیں کہ خبیث ترین کمائی کتے کا ثمن اور بانسری بجانے والے کی کمائی ہے۔

حضرت جابر سے روایت ہے کہ نبی کریم صلی اللہ علیہ وآلہ وسلم نے کتے اور بلی کے ثمن سے منع فرمایا ۔

حضرت عون بن ابی حجیفہ اپنے والد سے روایت کرتے ہیں کہ نبی کریم صلی اللہ علیہ وآلہ وسلم نے کتے کے ثمن سے منع فرمایا ۔

حضرت ابن عباس رضی اللہ عنہما ، نبی کریم صلی اللہ علیہ وآلہ وسلم سے روایت کرتے ہیں کہ آپ صلی اللہ علیہ وآلہ وسلم نے ارشاد فرمایا : کُتّے کا ثمن ، زانیہ کا مہر اور شراب کی قیمت حرام ہے۔ اور (امام) ابوحنیفہ کے بارے میں یہ ذکر کیا جاتا ہے کہ : آپ نے کتے کے ثمن میں رخصت دی ہے۔