مصنف ابن ابي شيبه

حضرت حصین سے روایت ہے وہ کہتے ہیں کہ ہم حضرت مرہ کے پاس آئے۔ ہم نے ان کے بارے میں پوچھا : لوگوں نے کہا مرۃ الطیب ؟ تو وہ اپنے بالاخانہ میں تھے جس میں انہوں نے بارہ سال عبادت کی تھی۔

حضرت ہیثم سے روایت ہے وہ کہتے ہیں کہ حضرت مرہ ہر روز دو سو رکعات پڑھا کرتے تھے۔

حضرت مالک بن مغول سے روایت ہے وہ کہتے ہیں کہ حضرت مرہ سے پوچھا گیا آپ کی کتنی نماز باقی ہے ؟ انہوں نے فرمایا : آدھی یعنی دو سو پچاس رکعات۔

حضرت مرہ سے { وَأَفْئِدَتُہُمْ ہَوَائٌ} کے بارے میں روایت ہے وہ کہتے ہیں : پھٹے ہوں گے کسی شے کی حفاظت نہیں کریں گے۔