مصنف ابن ابي شيبه

حضرت سعید بن جبیر رضی اللہ عنہ فرماتے ہیں کہ حضر ت خالد بن سنان العبسی کی بیٹی رسول اللہ صلی اللہ علیہ وسلم کی خدمت میں آئی تو رسول اللہ صلی اللہ علیہ وسلم نے اس کو فرمایا : خوش آمدید میرے بھائی کی بیٹی کو خوش آمدید، نبی کی بیٹی کو جس کو اس کی قوم نے ضائع کردیا تھا۔

حضرت ابو اسحاق رحمہ اللہ فرماتے ہیں کہ نبی کریم صلی اللہ علیہ وآلہ وسلم نے فرمایا : اے بنو عبس والو ! تمہاری نشانی کیا ہے ؟ انہوں نے عرض کیا : حرام۔ آپ صلی اللہ علیہ وسلم نے فرمایا : بلکہ تمہاری نشانی تو ” حلال “ ہے۔

حضرت مسعود بن حراش رحمہ اللہ جو حضرت ربعی بن حِراش رحمہ اللہ کے بھائی ہیں فرماتے ہیں کہ حضرت عمر بن خطا ب رضی اللہ عنہ نے قبیلہ بنو عبس والوں سے پوچھا : تم لوگ جنگوں میں کون سا گھوڑا زیادہ صابر پاتے ہو ؟ انہوں نے عرض کیا : سیاہ و سرخ رنگ کے گھوڑے کو۔