مصنف ابن ابي شيبه

حضرت ابو قلابہ رحمہ اللہ فرماتے ہیں کہ رسول اللہ صلی اللہ علیہ وسلم نے ارشاد فرمایا : یقینا ہر امت کا ایک امین ہوتا ہے ۔ اور بیشک ہماری امت کا امین ابو عبیدہ بن جراح ہیں۔

حسن رحمہ اللہ فرماتے ہیں کہ رسول اللہ صلی اللہ علیہ وسلم نے ارشاد فرمایا : میرے صحابہ رضی اللہ عنہ م میں سے کوئی ایک بھی نہیں ہے مگر یہ کہ میں چاہتا ہوں اس کے اخلاق کو تبدیل کر دوں سوائے ابو عبیدہ رضی اللہ عنہ کے۔

حضرت حذیفہ رضی اللہ عنہ فرماتے ہیں کہ نبی کریم صلی اللہ علیہ وآلہ وسلم کے پاس نجران کے دو پادری آئے عاقب اور سید۔ ان دونوں نے کہا : آپ صلی اللہ علیہ وسلم ہمارے ساتھ ایسے شخص کو بھیجیں جو پوری طرح امانت دار ہو۔ تو نبی کریم صلی اللہ علیہ وآلہ وسلم کے صحابہن خواہش کرنے لگے۔ آپ صلی اللہ علیہ وسلم نے فرمایا : اے ابو عبیدہ ! تم کھڑے ہو جاؤ۔

حضرت حذیفہ رضی اللہ عنہ سے نبی کریم صلی اللہ علیہ وآلہ وسلم کا ما قبل والا ارشاد اس سند سے بھی منقول ہے۔

ابراہیم رحمہ اللہ فرماتے ہیں کہ حضرت عمر رضی اللہ عنہ کہنے لگے۔ میں کس کو خلیفہ بناؤں ؟ ! کاش کہ ابو عبیدہ بن جراح ہوتے۔

حضرت ابو صالح رضی اللہ عنہ فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا : ابو عبیدہ بن جراح رضی اللہ عنہاچھے شخص ہیں۔