مصنف ابن ابي شيبه

حضرت منصور فرماتے ہیں کہ ابراہیم نے ارشاد فرمایا : حضرت عبد اللہ بن مسعود رضی اللہ عنہ کے اصحاب میں سے یہ لوگ تھے جو فتویٰ دیتے تھے اور قرآن پڑھاتے تھے ، حضرت علقمہ ، اسود، عبیدہ، مسروق ، عمرو بن شرحبیل اور حارث بن قیس ۔

حضرت مسلم فرماتے ہیں کہ حضرت مسروق نے ارشاد فرمایا : حضرت عبد اللہ بن مسعود رضی اللہ عنہ ہمیں مسجد میں قرآن پڑھاتے تھے پھر اس کے بعد بیٹھ جاتے اور لوگوں کا ایمان پختہ کرتے۔

حضرت عبد الرحمن بن حمید فرماتے ہیں کہ میں نے حضرت ابو اسحاق کو یوں فرماتے ہوئے سنا ہے کہ حضرت ابو عبد الرحمن نے مسجد میں چالیس سال قرآن پڑھایا۔