مصنف ابن ابي شيبه

حضرت نافع فرماتے ہیں کہ حضرت ابن عمر رضی اللہ عنہما ناپسند کرتے تھے : قرآن کی سورتوں کو مفصل کہنا : اور فرماتے تھے : قرآن مجید سارا مفصل و واضح ہے۔ لیکن تم یوں کہا کرو قرآن کی چھوٹی سورتیں۔

حضرت سالم فرماتے ہیں کہ حضرت ابن عمر رضی اللہ عنہما نے ارشاد فرمایا : مجھ سے حضرت عمر نے پوچھا : تمہیں کتنا قرآن یاد ہے ؟ میں نے کہا : ایک سورت، حضرت عبد اللہ فرماتے ہیں : پھر نہ انہوں نے ہمیں کسی کا م کا حکم دیا اور نہ ہی کسی کام سے منع کیا سوائے اس بات کے کہ انہوں نے کہا : پس اگر تم قرآن میں سے کچھ سیکھو تو تم پر یہ مفصل سورتیں لازم ہیں ۔ اس لیے کہ یہ زیادہ محفوظ رہتی ہیں۔

حضرت عاصم فرماتے ہیں کہ حضرت ابن سیرین نے ارشاد فرمایا : تم یوں مت کہو : چھوٹی سورت اور نہ ہی یوں کہو : ہلکی سورت۔ راوی کہتے ہیں : میں نے پوچھا : پھر میں کیسے کہوں ؟ آپ نے فرمایا : ایسے کہو ! آسان سورت۔ اس لیے کہ اللہ نے ارشاد فرمایا : اور بلاشبہ ہم نے آسان بنادیا اس قرآن کو نصیحت کے لیے، سو کیا ہے کوئی نصیحت قبول کرنے والا ؟ اور ایسے بھی مت کہو ؟ ہلکی سورت : اس لیے کہ اللہ نے فرمایا ہے : ہم نازل کرنے والے ہیں تم پر ایک بھاری کلام۔

حضرت عاصم فرماتے ہیں کہ حضرت ابو العالیہ نے بھی ما قبل جیسا مضمون ذکر کیا، مگر یہ کہ کلام میں کچھ اختلاف کیا ہے۔