مصنف ابن ابي شيبه

حضرت عکرمہ فرماتے ہیں کہ حضرت ابن عباس رضی اللہ عنہما آیت { حِجَارَۃً مِنْ سِجِّیلٍ } مٹی کی کنکریاں کے بارے میں فرمایا : یہ فارسی زبان میں مٹی کی کنکریوں کو کہتے ہیں۔

حضرت جابر فرماتے ہیں کہ حضرت ابن سابط نے فرمایا : (مٹی کے گارے کی کنکریاں ) یہ فارسی زبان میں ہے۔

حضرت سعید بن جبیر فرماتے ہیں کہ حضرت ابن عباس رضی اللہ عنہما نے آیت ( ان میں سے ہر ایک چاہتا ہے کہ کاش اسے ہزار سال کی عمر ملے) کے بارے میں فرمایا : یہ عجمیوں کے محاورے کی طرح ہے۔ زھر ہزار سال یعنی جیو ہزار سال۔

حضرت قاسم فرماتے ہیں کہ حضرت ابو امامہ نے ارشاد فرمایا : یقینا وہ فرشتے جو عرش اٹھاتے ہیں جو مشرق کی فارسی زبان میں کلام کرتے ہیں۔

حضرت بیان فرماتے ہیں کہ حضرت شعبی نے ارشاد فرمایا : قیامت کے دن لوگوں کی بات چیت سریانی زبان میں ہوگی۔