مصنف ابن ابي شيبه

حضرت اسامہ سے روایت ہے۔ وہ کہتے ہیں کہ جب جمعہ کا دن ہوتا تھا تو حضرت عمر بن عبد العزیز ، چوکیداروں کو بیجتے ، پس وہ مسجد کے دروازوں پر کھڑے ہوجاتے اور وہ جس آدمی کو بھی کثیر بالوں والا پاتے تو اس کے بالوں کو کاٹ دیتے۔

حضرت وائل بن حجر سے روایت ہے۔ وہ کہتے ہیں کہ جناب نبی کریم صلی اللہ علیہ وآلہ وسلم نے مجھے دیکھا جبکہ میرے بال لمبے تھے۔ تو آپ صلی اللہ علیہ وآلہ وسلم نے فرمایا : ” مکھی، مکھی ‘ ‘ چناچہ مں ب چل دیا اور میں نے وہ بال کاٹ لیے پھر آپ صلی اللہ علیہ وآلہ وسلم نے مجھے دیکھا تو فرمایا : ” میری مراد (مکھی مکھی کہنے سے) تم تو نہیں تھے۔ یہ بھی اچھا ہے۔ “

حضرت ابن قدامہ سے روایت ہے۔ وہ کہتے ہیں کہ ایک آدمی حضرت ابن سیرین کے پاس حاضر ہوا اور اس آدمی کے لمبے لمبے بال تھے ۔ تو ابن سیرین نے فرمایا : یہ مکروہ ہیں۔ پھر وہ شخص اگلے دن آپ کے پاس آیا اور اس نے سر کو بالکلیہ صاف کرلیا تھا۔ تو آپ نے فرمایا : یہ بھی مکروہ ہے۔