مصنف ابن ابي شيبه

حضرت ابن عون سے روایت ہے۔ وہ کہتے ہیں کہ محمد کے پاس آدمی کے کھڑے ہونے کی حالت میں جوتا پہننے کا ذکر کاُ گیا تو انہوں نے فرمایا : مجھے اس میں کوئی حرج معلوم نہیں ہوتا۔

حضرت عقبہ سے روایت ہے۔ وہ کہتے ہیں کہ میں نے ابراہیم کو اپنے جوتوں میں پاؤں داخل کرتے دیکھا جبکہ وہ کھڑے ہوئے تھے۔

حضرت اعمش سے روایت ہے۔ وہ کہتے ہیں کہ میں نے حضرت یحییٰ بن وثاب کو کھڑے ہونے کی حالت میں جوتے پہنتے دیکھا۔

حضرت عمرو سے روایت ہے۔ وہ کہتے ہیں کہ میں نے حسن کو کھڑے ہونے کی حالت میں جوتے پہنتے دیکھا۔

حضرت اعمش سے روایت ہے۔ وہ کہتے ہیں کہ ہمیں یہ بات پہنچی کہ حضرت علی رضی اللہ عنہ نے کھڑے ہونے کی حالت میں جوتے پہنے۔

حضرت ابو صالح، حضرت ابوہریرہ کے بارے میں روایت کرتے ہیں کہ وہ اس بات کو مکروہ سمجھتے تھے کہ آدمی کھڑے ہونے کی حالت میں جوتے پہنے۔