مصنف ابن ابي شيبه

حضرت زہری کے بھتیجے، حضرت محمد بن عبد اللہ کہتے ہیں کہ میری ہمشیرہ نے مجھے بتایا کہ اس نے حضرت زہری کو پانچ انگلیوں سے کھاتے دیکھا۔ تو انہوں نے زہری سے اس کے بارے میں سوال کیا ؟ حضرت زہری نے فرمایا : جناب نبی کریم صلی اللہ علیہ وآلہ وسلم بھی پانچ انگلیوں سے کھاتے تھے۔

حضرت خالد بن ابی بکر سے روایت ہے، وہ کہتے ہیں کہ میں نے حضرت قاسم اور حضرت سالم کو تین انگلیوں سے کھاتے دیکھا ہے۔

حضرت کعب سے روایت ہے کہ جناب رسول اللہ صلی اللہ علیہ وآلہ وسلم تین انگلیوں سے کھایا کرتے تھے اور ان کو چاٹ بھی لیتے تھے۔