مصنف ابن ابي شيبه

حضرت ابو عالیہ رحمہ اللہ اور حضرت شریح رحمہ اللہ فرماتے ہیں کہ خلع لینے والی حاملہ کو نفقہ ملے گا۔

ابراہیم رحمہ اللہ فرماتے ہیں کہ خلع لینے والی عورت کو نفقہ ملے گا البتہ اگر اس نے نہ لینے کی شرط کو قبول کرلیا ہو تو پھر نہیں ملے گا۔

حضرت عطاء رحمہ اللہ فرماتے ہیں کہ خلع لینے والی عورت کو نفقہ ملے گا البتہ اگر اس نے نہ لینے کی شرط کو قبول کرلیا ہو تو پھر نہیں ملے گا، حضرت طاوس فرماتے ہیں کہ اسے نفقہ ملے گا، حضرت عمرو بن دینار رحمہ اللہ فرماتے ہیں کہ اسے نفقہ ملے گا، آدمی اپنی اولاد پر خرچ کرے گا۔

حضرت قاسم رحمہ اللہ خلع لینے والی حاملہ عورت کے بارے میں فرماتے ہیں کہ اسے نفقہ ضرور ملے گا۔

حضرت حماد رحمہ اللہ فرماتے ہیں کہ اسے نفقہ ملے گا۔

حضرت زہری رحمہ اللہ فرماتے ہیں کہ اگر وہ حاملہ ہو تو اسے نفقہ ملے گا۔

حضرت شعبی رحمہ اللہ اور حضرت ابن سیرین رحمہ اللہ فرماتے ہیں کہ ہر حاملہ عورت کو نفقہ ملے گا۔

حضرت شعبی رحمہ اللہ خلع لینے والی حاملہ کے بارے میں فرماتے ہیں کہ اسے نفقہ ملے گا۔