مصنف ابن ابي شيبه

حسن رحمہ اللہ فرماتے ہیں کہ حضرت جابر رضی اللہ عنہ سے سوال کیا گیا کہ حاملہ کو کیسے طلاق دی جائے ؟ انہوں نے فرمایا کہ ایک طلاق دے دے، پھر وضع حمل تک اسے چھوڑے رکھے۔

حضرت ابن ابی ذئب رحمہ اللہ فرماتے ہیں کہ میں نے حضرت زہری رحمہ اللہ سے حاملہ کی طلاق کے وقت کے بارے میں سوال کیا تو انہوں نے فرمایا کہ سارا اس کا وقت ہے۔

حسن رحمہ اللہ اور محمد رحمہ اللہ فرماتے ہیں کہ حاملہ کو جب چاہے طلاق دے سکتا ہے۔

حضرت حماد رحمہ اللہ فرماتے ہیں کہ مستحب ہے کہ حاملہ کو ایک طلاق دے دے پھر وضع حمل تک اسے چھوڑے رکھے۔

حضرت عامر رحمہ اللہ فرماتے ہیں کہ حاملہ کو چاند کے اعتبار سے طلاق دی جائے گی۔