مصنف ابن ابي شيبه

حضرت جابر فرماتے ہیں کہ ایک مرتبہ نبی کریم صلی اللہ علیہ وآلہ وسلم جمعہ کا خطبہ دے رہے تھے کہ حضرت سلیک غطفانی حاضر ہوئے، نبی کریم صلی اللہ علیہ وآلہ وسلم نے ان سے فرمایا کہ دو مختصر رکعتیں پڑھ لو۔

حضرت عطاء فرماتے ہیں کہ نبی کریم صلی اللہ علیہ وآلہ وسلم لوگوں کو خطبہ دے رہے تھے کہ آپ نے فرمایا بیٹھ جاؤ۔ حضرت عبد اللہ بن مسعود رضی اللہ عنہ دروازے پر تھے انہوں نے یہ بات سنی تو وہیں بیٹھ گئے۔ نبی کریم صلی اللہ علیہ وآلہ وسلم نے ان سے فرمایا کہ اے عبد اللہ ! اندر آجاؤ۔

حضرت قیس فرماتے ہیں کہ میرے والد مسجد میں حاضر ہوئے اس وقت نبی کریم صلی اللہ علیہ وآلہ وسلم خطبہ دے رہے تھے۔ وہ حضور صلی اللہ علیہ وآلہ وسلم کے سامنے دھوپ میں کھڑے ہوگئے۔ نبی کریم صلی اللہ علیہ وآلہ وسلم نے انہیں سائے میں جانے کا حکم دیا تو آپ سائے میں ہوگئے۔

حضرت عامر فرماتے ہیں کہ اسلاف کا معمول یہ تھا کہ امام کو منبر پر سلام کیا کرتے تھے اور امام ان کے سلام کا جواب دیا کرتا تھا۔