مصنف ابن ابي شيبه

حضرت جابر بن سمرہ فرماتے ہیں کہ نبی کریم صلی اللہ علیہ وآلہ وسلم کی نماز اور آپ کا خطبہ درمیانے ہوا کرتے تھے۔

حضرت عبداللہ فرماتے ہیں کہ خطبہ کا مختصر ہونا اور نماز کا لمبا ہونا آدمی کے فقیہ ہونے کی علامت ہے۔

حضرت عبد اللہ فرماتے ہیں کہ نماز کو خوب اچھا کرکے پڑھو اور خطبے کو مختصر رکھو۔

حضرت ابو راشد فرماتے ہیں کہ حضرت عمار نے ہمیں خطبہ دیا اور مختصر خطبہ دیا۔ ایک آدمی نے ان سے عرض کی کہ آپ بہت مؤثر گفتگو فرما رہے تھے اگر اسے لمبا کرتے تو اچھا ہوتا ! انہوں نے فرمایا کہ نبی کریم صلی اللہ علیہ وآلہ وسلم نے خطبے کو لمبا کرنے سے منع فرمایا ہے۔