مصنف ابن ابي شيبه

یونس فرماتے ہیں کہ حسن سے اس شخص کے بارے میں سوال کیا گیا جو نماز میں سورة الفاتحہ نہ پڑھے۔ آپ نے فرمایا کہ اگر وہ سورة الفاتحہ کے علاوہ کچھ پڑھ لے تو جائز ہے۔

حضرت حماد فرماتے ہیں کہ میں نے ابراہیم سے اس شخص کے بارے میں سوال کیا جو نماز میں سورة الفاتحہ پڑھنا بھول جائے لیکن کوئی اور سورت پڑھ لے۔ یا سورة الفاتحہ پڑھے لیکن اس کے ساتھ کوئی دوسری سورت نہ پڑھے تو اس کی نماز کا کیا حکم ہے ؟ حضرت حماد نے فرمایا کہ اس کی نماز جائز ہوگی۔

حضرت جابر کہتے ہیں کہ حضرت عامر اور حضرت حکم سے اس شخص کے بارے میں سوال کیا گیا جو نماز میں سورة الفاتحہ پڑھنا بھول جائے۔ حضرت شعبی نے فرمایا کہ وہ سجدہ سہو کرے اور حضرت حکم نے کہا کہ جب یاد آئے اس وقت سورة الفاتحہ پڑھ لے۔

حسن اس شخص کے بارے میں جو سورة الفاتحہ بھول جائے لیکن سورة الاخلاص پڑھ لے فرماتے ہیں کہ اس کی نماز ہوجائے گی۔