مصنف ابن ابي شيبه

حضرت حفص فرماتے ہیں کہ ہم حضرت ابن عمر رضی اللہ عنہما کے ساتھ نکلے۔ ہم نے فرض نماز ادا کی، انہوں نے اپنے ایک بچے کو نفل نماز پڑھتے دیکھا تو فرمایا کہ میں نے رسول اللہ صلی اللہ علیہ وآلہ وسلم ، حضرت ابو بکر، حضرت عمر اور حضرت عثمانکے ساتھ نماز پڑھی ہے وہ سفر میں نہ فرضوں سے پہلے کوئی نماز پڑھتے تھے نہ فرضوں کے بعد۔ اگر میں نفل پڑھتا تو پوری طرح پڑھتا۔

حضرت ابن عون کہتے ہیں کہ ہم نے حضرت مجاہد سے سوال کیا کہ کیا حضرت ابن عمر رضی اللہ عنہما سفر میں نوافل پڑھا کرتے تھے ؟ انہوں نے فرمایا نہیں۔ میں نے پوچھا کہ کیا وہ فجر کی دو سنتیں پڑھتے تھے ؟ فرمایا کہ میں نے انہیں سفر یاحضر میں کبھی یہ دو سنتیں چھوڑتے نہیں دیکھا۔

حضرت نافع فرماتے ہیں کہ حضر ت ابن عمر رضی اللہ عنہما سفر میں نہ نماز سے پہلے نفل پڑھتے اور نہ نماز کے بعد، البتہ تہجد کی نماز پڑھا کرتے تھے۔

حضرت ابو جعفر محمد بن علی رضی اللہ عنہ فرماتے ہیں کہ حضرت علی رضی اللہ عنہ بن حسین سفر میں نماز سے پہلے اور نماز کے بعد نفل نہیں پڑھا کرتے تھے۔