مصنف ابن ابي شيبه

حضرت عبداللہ فرماتے ہیں کہ نبی کریم صلی اللہ علیہ وآلہ وسلم ، حضرت ابو بکر اور حضرت عمرہر رفع ووضع اور قیام وقعود کے وقت تکبیر کہا کرتے تھے۔

حضرت انس رضی اللہ عنہ فرماتے ہیں کہ نبی کریم صلی اللہ علیہ وآلہ وسلم ، حضرت ابو بکر، حضرت عمر اور حضرت عثمان کسی عمل میں تکبیر نہیں چھوڑتے تھے۔

حضرت عمرو بن میمون فرماتے ہیں کہ حضرت عمرپوری طرح تکبیر کہا کرتے تھے۔

حضرت عمار فرماتے ہیں کہ حضرت علی رضی اللہ عنہاگر کوئی فضیلت والا عمل نہ کرتے تو ان دو تکبیروں کا احیاء ہی ان کے لئے کافی تھا۔ یعنی رکوع اور سجدے کی تکبیر۔

حضرت ابومجلز فرماتے ہیں کہ حضرت قیس بن عباد نے مجھے وصیت فرمائی کہ میں سجدے میں جاتے ہوئے اور سجدے سے اٹھتے ہوئے تکبیر کہا کروں۔

حضرت وہب بن کیسان فرماتے ہیں کہ حضرت جابر بن عبد اللہ رضی اللہ عنہ ہمیں نماز میں تکبیر اس طرح سکھایا کرتے تھے کہ ہم نیچے جاتے ہوئے اور اوپر اٹھتے وقت تکبیر کہا کریں۔

حضرت نافع فرماتے ہیں کہ مروان حضرت ابوہریرہ کو نماز کا کہا کرتا تھا وہ پوری تکبیریں کہا کرتے تھے اور حضرت ابن عمر رضی اللہ عنہما بھی پوری تکبیریں کہا کرتے تھے۔

حضرت عون بن عبد اللہ فرماتے ہیں کہ حضرت ابن مسعودپوری تکبیریں کہا کرتے تھے۔

حضرت ابورزین فرماتے ہیں کہ حضرت علیسجدے میں جاتے ہوئے اور سجدے سے اٹھتے ہوئے تکبیر کہا کرتے تھے۔

حضرت ابو رزین فرماتے ہیں کہ میں نے حضرت علی رضی اللہ عنہ اور حضرت ابن مسعود کے پیچھے نماز پڑھی ہے وہ دونوں حضرات تمام تکبیریں کہا کرتے تھے۔

حضرت برد فرماتے ہیں کہ حضرت مکحول سجدے میں جاتے ہوئے اور دونوں رکعات کے درمیان اٹھتے ہوئے تکبیر کہا کرتے تھے۔

حضرت عمرو بن مرہ فرماتے ہیں کہ ابراہیم تمام تکبیریں کہا کرتے تھے۔

حضرت عمرو بن دینار فرماتے ہیں کہ حضرت ابن الزبیر رکعت سے اٹھتے وقت تکبیر کہا کرتے تھے۔

حضرت ابو مالک اشعرینے ایک مرتبہ اپنی قوم کے لوگوں سے فرمایا ” اٹھو، میں تمہیں حضور صلی اللہ علیہ وآلہ وسلم کی نماز سکھاتا ہوں “ لوگوں نے ان کے پیچھے صفیں باندھ لیں، پھر آپ نے تکبیر کہی پھر قراءت کی، پھر تکبیر کہی، پھر رکوع کیا، پھر رکوع سے سر اٹھایا اور پھر تکبیر کہی۔ انہوں نے پوری نماز اسی طرح ادا فرمائی۔

حضرت ابو موسیٰ فرماتے ہیں کہ حضرت علی نے جنگ جمل میں ہمیں نماز پڑھائی اور یہ بھی فرمایا کہ حضور صلی اللہ علیہ وآلہ وسلم ایسی نماز پڑھا کرتے تھے۔ پھر یا تو ہم اسے بھول گئے یا ہم نے اسے جان بوجھ کر چھوڑ دیا۔ انہوں نے یوں نماز پڑھائی کہ ہر مرتبہ جھکتے ہوئے اور اٹھتے ہوئے اور قیام وقعود کے وقت اللہ اکبر کہا۔ اور انہوں نے دائیں اور بائیں طرف سلام پھیرا۔

حضرت مطرف بن عبد اللہ فرماتے ہیں کہ میں نے اور حضرت عمران بن حصین نے حضرت علی رضی اللہ عنہ کے ساتھ نماز پڑھی۔ وہ سجدے میں جاتے ہوئے تکبیر کہتے تھے۔ اور سر اٹھاتے ہوئے بھی تکبیر کہتے تھے۔ جب وہ نماز سے فارغ ہوئے تو حضرت عمران فرمانے لگے ” انہوں نے ہمیں رسول اللہ صلی اللہ علیہ وآلہ وسلم والی نماز پڑھائی ہے “

حضرت عبد الملک فرماتے ہیں کہ سعید بن جبیر رکوع سے اٹھتے وقت اور رکوع میں جاتے وقت تکبیر کہا کرتے تھے۔ جب ابو جعفر سے اس بات کا ذکر کیا گیا تو انہوں نے فرمایا کہ وہ جانتے تھے کہ رسول اللہ صلی اللہ علیہ وآلہ وسلم کا طریقۂ نماز یہی تھا۔ حضرت سعید یہ بھی فرماتے تھے کہ اس عمل کی وجہ سے نماز کی شان بڑھ جاتی ہے۔

حضرت زہری فرماتے ہیں کہ مجھے علی رضی اللہ عنہ بن حسین نے بتایا کہ رسول اللہ صلی اللہ علیہ وآلہ وسلم بھی یونہی نماز پڑھا کرتے تھے۔ ان سے ذکر کیا گیا ہے کہ حضرت ابوہریرہ بھی اٹھتے ہوئے اور جھکتے ہوئے اللہ اکبر کہا کرتے تھے۔

حضرت عکرمہ فرماتے ہیں کہ میں نے حضرت یعلی رضی اللہ عنہ کو مقام ابراہیم کے پاس نماز پڑھتے دیکھا وہ اٹھتے اور جھکتے وقت تکبیر کہا کرتے تھے۔ وہ فرماتے ہیں کہ میں حضرت ابن عباس رضی اللہ عنہما کے پاس آیا اور انہیں یہ بات بتائی۔ وہ فرمانے لگے کہ کیا یہ رسول اللہ صلی اللہ علیہ وآلہ وسلم کی نماز نہیں تھی ؟

حضرت ابو سلمہ فرماتے ہیں کہ حضرت ابوہریرہ جب ہمیں نماز پڑھاتے تو جھکتے اور اٹھتے وقت تکبیر کہا کرتے تھے۔ اور جب سلام پھیرلیتے تو فرماتے کہ میں تمہیں ر سول اللہ (صلی اللہ علیہ وآلہ وسلم) کی نماز سکھا رہا تھا۔