مصنف ابن ابي شيبه

ابراہیم فرماتے ہیں کہ جب کوئی شخص تکبیرِ تحریمہ بھول جائے تو دوبارہ نئے سرے سے نماز پڑھے۔

حسن فرماتے ہیں کہ اگر کوئی شخص تکبیرِ تحریمہ بھول جائے تو رکوع کی تکبیر اس کے لئے کافی ہے۔

حضرت زہری اس شخص کے بارے میں فرماتے ہیں کہ اگر کوئی شخص نماز شروع کرتے وقت تکبیرِتحریمہ بھول جائے تو جب اسے یاد آئے تکبیر کہہ لے۔ اگر اسے نماز سے فارغ ہونے کے بعد یاد آئے تو نماز جائز ہے، کیونکہ رکوع کی تکبیر اس کے لئے کافی ہے۔

حضرت حماد فرماتے ہیں کہ اگر امام نماز شروع کرنے سے پہلے تکبیر تحریمہ بھول جائے تو نماز کا اعادہ کرے۔ حضرت حکم فرماتے ہیں کہ رکوع کی تکبیر اس کے لئے کافی ہوجائے گی۔

حضرت بکر فرماتے ہیں کہ جب یاد آجائے تو وہ تکبیر کہہ لے۔