مصنف ابن ابي شيبه

٣٩٨٧٦ - حدثنا وكيع عن الأعمش عن آبي صالح قال: كان الحادي (يحدو) (١) بعثمان وهو يقول: إن الأمير بعده علي … وفي الزبير خلف رضي قال: فقال كعب: ولكنه صاحب البغلة الشهباء -يعني معاوية، فقيل لمعاوية: إن (كعبًا) (٢) يسخر بك ويزعم أنك تلي هذا الأمر، قال: فأتاه (فقال) (٣): ⦗١٨١⦘ يا أبا إسحاق! وكيف وههنا علي والزبير وأصحاب محمد (٤)؟ قال: أنت صاحبها (٥).

حضرت ابو صالح سے روایت ہے کہ ایک حدی خوان حضرت عثمان کے لئے حدی پڑھ رہا تھا اور کہہ رہا تھا۔ ” یقینا عثمان کے بعد حضرت علی رضی اللہ عنہامیر ہیں اور زبیر میں پسندیدہ خلافت ہے۔ “ راوی کہتے ہیں۔ حضرت کعب نے کہا۔ لیکن وہ جو بھورے رنگ کے خچر والے معاویہ ہیں ۔ پس حضرت معاویہ سے کہا گیا کہ حضرت کعب آپ کے ساتھ مذاق کرتے ہیں اور ان کا خیال ہے کہ آپ اس امر خلافت کے ولی بنیں گے۔ راوی کہتے ہیں۔ پھر یہ حضرت معاویہ کے پاس آئے تو معاویہ نے کہا۔ اے ابو اسحاق ! یہ بات تم نے کیسے کہی جبکہ حضرت علی رضی اللہ عنہ اور زبیر اور دیگر اصحابِ پیغمبر (صلی اللہ علیہ وآلہ وسلم) موجود ہیں۔ کعب نے کہا۔ آپ ہی اس خلافت کے حق دار ہیں۔