٣٩٧٧٥ - حدثنا هاشم بن القاسم قال: (حدثنا) (١) عكرمة بن عمار قال: حدثنا إياس بن سلمة قال: حدثني أبي قال: غزوت مع رسول اللَّه ﷺ هوازن فبينما نحن نتضحى، وعامتنا مشاة فينا ضعفة، إذ جاء رجل على جمل أحمر، فانتزع طلقا من (حقبه) (٢) فقيد به جمله رجل شاب، ثم جاء يتغدى مع القوم، فلما رأى ضعفهم وقلة (ظهرهم) (٣) خرج يعدو إلى جمله فأطلقه ثم أناخه فقعد عليه ثم خرج يركضه، واتبعه رجل من أسلم من صحابة النبي ﷺ على ناقة ورقاء هي أمثل ظهر القوم، فقعد فاتبعه، فخرجت (أعدو) (٤) فأدركته ورأس الناقة عند ورك الجمل وكنت عند ورك الناقة، (ثم) (٥) تقدمت حتى أخذت بخطام الجمل فأنخته، فلما وضع ركبتيه بالأرض اخترطت سيفي فأضرب رأسه، فندر فجئت (براحلته) (٦) وما عليها (أقوده) (٧) فاستقبل رسول اللَّه ﷺ مقبلا فقال: "من قتل الرجل؟ " فقالوا: ابن الأكوع، فنفله سلبه (٨).حضرت ایاس بن سلمہ ، اپنے والد سے روایت کرتے ہیں کہ میں نے رسول اللہ صلی اللہ علیہ وآلہ وسلم کے ساتھ ہوازن کے جہاد میں شرکت کی تھی۔ ہم صبح کا کھانا کھا رہے تھے اور ہمارے اکثر لوگ پیدل تھے اور ہم میں کمزور لوگ بھی تھے کہ ایک آدمی سرخ اونٹ پر سوار ہو کر آیا اور اس نے اپنے (اونٹ) کے کجاوہ کے پچھلے حصے سے ایک چمڑے کی رسی نکالی اور اس کے ساتھ اپنے اونٹ کو باندھ دیا، وہ ایک نوجوان آدمی تھا۔ پھر وہ آیا اور اس نے لوگوں کے ہمراہ کھانا کھایا۔ جب اس نے لوگوں کی کمزوری اور کمی کو دیکھا تو وہ اپنے اونٹ کی طرف بھاگ نکلا اور اس نے اس کو کھول لیا پھر اس کو بٹھایا اور اس پر سوار ہوگیا اور پھر اس اونٹ کو مہمیز کرنا شروع کیا۔ نبی کریم صلی اللہ علیہ وآلہ وسلم کے صحابہ میں سے ایک آدمی، جن کا تعلق بنو اسلم سے تھا، ایک خاکستری اونٹنی پر، جو لوگوں کی سواریوں میں سب سے عمدہ تھی، اس کے پیچھے گئے۔ میں نے بھاگتے ہوئے اس شخص کا پیچھا کیا۔ میں نے اس کو اس حال میں جا لیا کہ اونٹنی کا سر اونٹ کے پٹھے کے پاس تھا اور میں اونٹنی کے پٹھے کے پاس تھا، پھر میں نے آگے بڑھ کر اونٹ کی لگام کو پکڑ لیا اور اس کو بٹھا دیا۔ جونہی اس نے اپنے گھٹنے زمین پر رکھے میں نے اپنی تلوار سونت لی اور اس آدمی کے سر پر وار کیا تو سر الگ ہو کر جا گرا۔ پھر میں اس کی سواری اور جو کچھ اس پر تھا اسے کھینچتا ہوا لے کر آیا تو رسول اللہ صلی اللہ علیہ وآلہ وسلم سامنے سے تشریف لاتے ہوئے ملے۔ حضور صلی اللہ علیہ وآلہ وسلم نے پوچھا کہ اس آدمی کو کس نے مارا ؟ لوگوں نے بتایا کہ ابن اکوع نے۔ پس آپ نے اس کا ساز و سامان مجھے دے دیا۔