٣٩٧٥٦ - [حدثنا أبو عبد الرحمن، (حدثنا) (١) أبو بكر (حدثنا) (٢)] (٣) أبو أسامة عن زكريا عن أبي إسحاق قال: قال رجل للبراء: هل كنتم وليتم يوم حنين (يا أبا) (٤) عمارة؟ (فقال) (٥): أشهد على النبي ﷺ (٦) ما ولى، ولكن انطلق (أخفّاءُ) (٧) من الناس (وحسر) (٨) إلى هذا الحي (من) (٩) هوازن، وهم قوم رماة فرموهم برشق من نبل كأنها رجل من جراد، قال: (فانكشفوا) (١٠) فأقبل القوم ⦗٩٠⦘ (هنالك) (١١) إلى رسول اللَّه ﷺ، وأبو سفيان بن (الحارث) (١٢) يقود بغلته، فنزل رسول اللَّه ﷺ فاستنصر وهو يقول: "أنا النبي لا كذب … أنا ابن عبد المطلب اللهم (نزل) (١٣) نصرك"، قال: (كنا) (١٤) واللَّه إذا احمر (البأس) (١٥) نتقي به، وإن الشجاع الذي يحاذي به (١٦).حضرت ابو اسحاق روایت کرتے ہیں کہ ایک آدمی نے حضرت براء سے کہا۔ اے ابو عمارہ ! کیا تم لوگ حنین کے دن پیٹھ پھیر گئے تھے ؟ حضرت براء نے کہا۔ میں نبی کریم صلی اللہ علیہ وآلہ وسلم کے بارے میں گواہی دیتا ہوں کہ آپ صلی اللہ علیہ وآلہ وسلم نے پیٹھ نہیں پھیری تھی۔ لیکن کچھ لوگ جلد بازی میں خالی ہاتھ قبیلہ ہوازن کی طرف چل پڑے تھے حالانکہ ہوازن والے تو ایک تیر انداز قوم تھے۔ چناچہ انہوں نے اس (خالی ہاتھ) جماعت کو تیز تیر پھینکنے والی کمان کے ذریعہ سے خوب تیر برسائے یوں لگتا تھا کہ گویا تیروں کا مجموعہ آ رہا ہے۔ راوی کہتے ہیں : پس لوگ چھٹ گئے اور اس وقت ہوازن کے لوگ آپ صلی اللہ علیہ وآلہ وسلم کی طرف بڑھے جبکہ ابو سفیان آپ صلی اللہ علیہ وآلہ وسلم کے خچر کو ہانک رہے تھے ۔ آپ صلی اللہ علیہ وآلہ وسلم (خچر سے) نیچے تشریف لائے اور مدد کے لئے پکارا اور آپ صلی اللہ علیہ وآلہ وسلم کہہ رہے تھے۔ ” میں جھوٹا نبی نہیں ہوں۔ میں تو عبد المطلب کا بیٹا ہوں۔ “ اے اللہ ! اپنی مدد نازل فرما “ راوی کہتے ہیں : خدا کی قسم ! جب جنگ خوب شعلہ زن ہوتی تھی تو ہم آپ صلی اللہ علیہ وآلہ وسلم کی آڑ میں (اپنا) بچاؤ کرتے تھے۔ اور یقینا (اس وقت) بہادر وہی شخص ہوتا تھا جو آپ صلی اللہ علیہ وآلہ وسلم کے ساتھ کھڑا ہوتا تھا۔