مصنف ابن ابي شيبه

٣٩٥٨٩ - حدثنا عبد الرحيم بن سليمان عن هشام عن أبيه أن رسول اللَّه ﷺ قال يوم الخندق: "من رجل يذهب فيأتينا بخبر بني قريظة"، فركب الزبير فجاءه بخبرهم، ثم عاد فقال ثلاث مرات: "من يجيئني بخبرهم؟ " فقال الزبير: نعم، (قال: وجمع) (١) النبي ﷺ (٢) للزبير أبويه فقال: " (فداك) (٣) أبي وأمي"، وقال للزبير: "لكل نبي حواري، وحواري الزبير وابن عمتي" (٤).

حضرت ہشام، اپنے والد سے روایت کرتے ہیں کہ رسول اللہ صلی اللہ علیہ وآلہ وسلم نے خندق والے دن ارشاد فرمایا : کون آدمی جائے گا اور ہمیں بنو قریظہ کی خبر لا کر دے گا ؟ حضرت زبیر سوار ہوگئے اور بنو قریظہ کے بارے میں خبر لے آئے۔ پھر آپ صلی اللہ علیہ وآلہ وسلم نے یہ بات دہرائی اور تین مرتبہ فرمایا۔ کون مجھے ان کی خبر لا کر دے گا ؟ تو حضرت زبیر نے کہا : جی ہاں ! راوی کہتے ہیں : نبی کریم صلی اللہ علیہ وآلہ وسلم نے حضرت زبیر کے لئے اپنے والدین کو جمع فرما کر ارشاد فرمایا : تم پر میرے ماں، باپ قربان ہوں اور آپ صلی اللہ علیہ وآلہ وسلم نے حضرت زبیر سے فرمایا : ہر نبی کا کوئی حواری ہوتا ہے اور میرا حواری زبیر اور میری پھوپھی کا بیٹا ہے۔