مصنف ابن ابي شيبه

٣٦١٢٠ - حدثنا أبو أسامة قال: حدثنا هشام عن أبيه قال: لما قدم عمر الشام كان قميصه قد (تجوب) (١) عن مقعدته: قميص (سنبلاني) (٢) غليظ، فأرسل به إلى صاحب أذرعات أو (أيلة) (٣) قال: فغسله ورقعه، (وخيط) (٤) (له) (٥) قميص (قبطري) (٦)، فجاءه به فألقى إليه (القبطري) (٧) فأخذه عمر فمسه فقال: هذا (لين) (٨)، فرمى به إليه وقال: ألق إليَّ قميصي فإنه أنشفهما للعرق (٩).

حضرت عروہ فرماتے ہیں کہ جب حضرت عمر شام آئے تو ان کی قمیص پیچھے کی جانب سے پھٹی ہوئی تھی، وہ ایک موٹی سنبلانی قمیص تھی۔ آپ نے وہ قمیص درزی کے پاس بھیجی وہ اس نے دھو کر رفو کی اور ان کے لئے ایک قبطری قمیص سی دی اور ان کی طرف دونوں قمیصوں کو لایا۔ اور قبطری قمیص آپ کی خدمت میں پیش کی۔ حضرت عمر نے اسے چھوا اور فرمایا کہ یہ نرم ہے۔ پھر آپ نے وہ قمیص اس کی طرف پھینک دی اور اس سے کہا میری قمیص مجھے دے دو وہ پسینے کو زیادہ جذب کرنے والی ہے۔