مصنف ابن ابي شيبه

٣٤٣٣٩ - حدثنا عبد الرحيم عن هشام بن عروة عن عروة أن رسول اللَّه ﷺ قال يوم الخندق: "من رجل يذهب فيأتيني بخبر بني قريظة"، فركب الزبير فجاءه بخبرهم ثم عاد فقال ثلاث مرات: "من يأتيني بخبرهم"، فقال الزبير: نعم، قال: وجمع للزبير أبويه (فقال) (١): "فداك أبي وأمي"، وقال للزبير: "لكل نبي حواري وحواريي الزبير وابن عمتي" (٢).

حضرت عروہ رضی اللہ عنہ فرماتے ہیں کہ رسول اللہ صلی اللہ علیہ وسلم نے غزوہ خندق کے دن ارشاد فرمایا : کون شخص جائے گا اور میرے پاس بنو قریظہ والوں کی خبر لائے گا ؟ پس حضرت زبیر رحمہ اللہ سوار ہوئے اور ان کی خبر لائے۔ پھر لوٹے پس آپ صلی اللہ علیہ وسلم نے تین مرتبہ فرمایا : کون شخص میرے پاس ان کی خبر لے کر آئے گا۔ ہر مرتبہ حضرت زبیر رضی اللہ عنہ نے کہا : جی ہاں ! میں لاؤں گا۔ حضرت عروہ رحمہ اللہ فرماتے ہیں ! آپ صلی اللہ علیہ وسلم نے حضرت زبیر رضی اللہ عنہ کے لیے اپنے والدین کو جمع کیا اور ارشاد فرمایا : تجھ پر میرے ماں ، باپ قربان ہوں۔ اور آپ صلی اللہ علیہ وسلم نے حضرت زبیر رضی اللہ عنہ سے فرمایا : ہر نبی کا ایک حواری ہوتا ہے اور میرے حواری زبیر رضی اللہ عنہ ہیں اور وہ میری پھوپھی کے بیٹے ہیں۔