مختصر صحيح مسلم

´سیدنا عبداللہ بن شخیر رضی اللہ عنہ کہتے ہیں کہ` میں نبی کریم صلی اللہ علیہ وسلم کے پاس آیا اور آپ صلی اللہ علیہ وسلم یہ پڑھ رہے تھے کہ ” ہلاکت میں ڈال دیا تمہیں زیادہ سے زیادہ ( مال ) حاصل کرنے ( کی خواہش ) نے “ ۔ آپ صلی اللہ علیہ وسلم نے فرمایا کہ آدمی کہتا ہے کہ میرا مال ، میرا مال ، اور اے آدمی ! تیرا مال کیا ہے ؟ تیرا مال وہی ہے جو تو نے کھایا اور فنا کیا ، یا پہنا اور پرانا کیا یا صدقہ دیا اور جاری کیا ( قیامت کے لئے روانہ کیا ) ۔