مختصر صحيح مسلم

´سیدنا جابر بن عبداللہ رضی اللہ عنہ کہتے ہیں کہ` ایسا کبھی نہیں ہوا کہ رسول اللہ صلی اللہ علیہ وسلم سے کوئی چیز مانگی گئی ، اور آپ صلی اللہ علیہ وسلم نے نہیں کہہ دیا ہو ۔

´سیدنا انس رضی اللہ عنہ سے روایت ہے کہ` ایک شخص نے رسول اللہ صلی اللہ علیہ وسلم سے دونوں پہاڑوں کے بیچ کی بکریاں مانگیں ، تو آپ صلی اللہ علیہ وسلم نے اس کو دے دیں ۔ وہ اپنی قوم کے پاس آیا اور کہنے لگا کہ اے لوگو ! مسلمان ہو جاؤ اللہ کی قسم محمد صلی اللہ علیہ وسلم تحفہ دیتے ہیں کہ محتاجی کا ڈر بھی نہیں کرتے ۔ سیدنا انس رضی اللہ عنہ نے کہا کہ ایک شخص محض دنیا کے لئے مسلمان ہوتا تھا ، پھر وہ ایسا مسلمان ہو جاتا یہاں تک کہ اسلام اس کے نزدیک ساری دنیا سے زیادہ محبوب ہو جاتا ۔ ( پہلے تو لالچ میں مسلمان ہوا تھا مگر بعد میں مخلص ہو گیا ) ۔