مختصر صحيح بخاري

´امیرالمؤمنین سیدنا علی رضی اللہ عنہ کہتے ہیں کہ` میں نے نبی کریم صلی اللہ علیہ وسلم کو یہ فرماتے ہوئے سنا : ” دنیا کی بہتر عورت عمران کی بیٹی مریم ( علیہ السلام ) تھیں اور ( اپنے دور میں ) دنیا کی بہتر عورت ( ام المؤمنین ) خدیجہ ( رضی اللہ عنہا ) تھیں ۔ “

´سیدنا ابوہریرہ رضی اللہ عنہ کہتے ہیں کہ` میں نے نبی کریم صلی اللہ علیہ وسلم کو یہ فرماتے ہوئے سنا : ” قریش کی عورتیں ان سب عورتوں میں بہتر ہیں جو اونٹ پر سوار ہوتی ہیں ، اولاد پر بہت مہربان اور شوہر کے مال کا بہت خیال رکھنے والیاں ۔ “