مختصر صحيح بخاري

´سیدنا ابوہریرہ رضی اللہ عنہ نے کہا کہ` ایک مرتبہ رسول اللہ صلی اللہ علیہ وسلم نماز پڑھنے کے لیے کھڑے ہوئے اور آپ صلی اللہ علیہ وسلم کے ساتھ ہم بھی کھڑے ہوئے ۔ اتنے میں ایک گنوار نماز ہی میں دعا مانگنے لگا کہ یااللہ ! مجھ پر اور محمد صلی اللہ علیہ وسلم پر رحم کر بس اور کسی پر مت کر ۔ آپ صلی اللہ علیہ وسلم نے سلام پھیر کر گنوار سے فرمایا : ” تو نے وسیع چیز ( یعنی اللہ کی رحمت ) کو تنگ کر دیا ۔ “