مختصر صحيح بخاري

´سیدنا سلیمان بن صرد رضی اللہ عنہ کہتے ہیں کہ` میں نبی کریم صلی اللہ علیہ وسلم کے پاس بیٹھا ہوا تھا اور دو آدمی باہم گالی گلوچ کر رہے تھے ۔ ایک کا چہرہ غصے سے سرخ ہو گیا اور رگیں پھول گئیں ۔ پھر نبی کریم صلی اللہ علیہ وسلم نے فرمایا : ” میں ایک ایسی دعا جانتا ہوں کہ اگر یہ شخص پڑھے تو اس کا غصہ ختم ہو جائے گا ، اگر یہ کہہ دے اعوذ بااللہ من الشیطان الرجیم تو اس کا غصہ جاتا رہے ۔ “ تو لوگوں نے اس شخص سے کہا کہ نبی کریم صلی اللہ علیہ وسلم نے یہ فرمایا ہے اس لیے تو شیطان سے اللہ کی پناہ مانگ ! اس نے کہا : ” کیا مجھے جنون ہے ۔ “ ( جو میں شیطان سے پناہ مانگوں ؟ ) ( شاید یہ شخص جاہل گنوار تھا یا منافق اس لیے یہ بات نہ مانی ) ۔