مجمع الزوائد ومنبع الفوائد

عَنْ أَنَسٍ قَالَ : خَرَجَ عُثْمَانُ مُهَاجِرًا إِلَى أَرْضِ الْحَبَشَةِ وَمَعَهُ رُقَيَّةُ بِنْتُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَاحْتَبَسَ عَلَى النَّبِيِّ - صَلَّى اللَّهُ عَلَيْهِ وَسَلَّمَ - خَبَرُهُمْ ، فَكَانَ يَخْرُجُ يَتَوَكَّفُ عَنْهُمُ الْخَبَرَ ، فَجَاءَتْهُ امْرَأَةٌ فَأَخْبَرَتْهُ ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ - : " إِنَّ عُثْمَانَ لَأَوَّلُ مَنْ هَاجَرَ إِلَى اللَّهِ بِأَهْلِهِ بَعْدَ لُوطٍ " . ¤ رَوَاهُ الطَّبَرَانِيُّ ، وَفِيهِ الْحَسَنُ بْنُ زِيَادٍ الْبُرْجُمِيُّ وَلَمْ أَعْرِفْهُ ، وَبَقِيَّةُ رِجَالِهِ ثِقَاتٌ . ¤

سیدنا انس رضی اللہ عنہ بیان کرتے ہیں : سیدنا عثمان رضی اللہ عنہ حبشہ کی سرزمین کی طرف ہجرت کرنے کے لئے روانہ ہوئے ، ان کے ساتھ نبی اکرم صلی اللہ علیہ وسلم کی صاحبزادی سیدہ رقیہ رضی اللہ عنہا بھی تھیں ۔ کافی عرصے تک نبی اکرم صلی اللہ علیہ وسلم کو ان لوگوں کی کوئی اطلاع نہیں ملی ، نبی اکرم صلی اللہ علیہ وسلم تشریف لے جاتے تھے اور آپ ان کی خیر خبر کے بارے میں دریافت کرتے تھے ، پھر ایک خاتون نبی اکرم صلی اللہ علیہ وسلم کے پاس آئی اور اس نے نبی اکرم صلی اللہ علیہ وسلم کو بتایا تو نبی اکرم صلی اللہ علیہ وسلم نے ارشاد فرمایا : ” سیدنا لوط علیہ السلام کے بعد عثمان وہ پہلا فرد ہے ، جس نے اپنی بیوی کے ساتھ اللہ تعالیٰ کی طرف ہجرت کی ہے ۔ “
یہ روایت امام طبرانی نے نقل کی ہے ۔ اس کی سند میں ایک راوی حسن بن زیاد برجمی ہے ، اور میں اس سے واقف نہیں ہوں ۔ اس روایت کے بقیہ رجال ثقہ ہیں ۔