اللؤلؤ والمرجان

سیّدنا ابوہریرہ رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا کہ جس نے جنازہ میں شرکت کی پھر نماز جنازہ پڑھی تو اسے ایک قیراط کا ثواب ملتا ہے اور جو دفن تک ساتھ رہا تو اسے دو قیراط کا ثواب ملتا ہے پوچھا گیا کہ دو قیراط کتنے ہوں گے؟ فرمایا کہ دو عظیم پہاڑوں کے برابر (یعنی دنیا کا قیراط مت سمجھو جو درہم کا بارہواں حصہ ہوتا ہے دوسری روایت میں ہے کہ آخرت کے قیراط احد پہاڑ کے برابر ہیں)

سیّدنا ابن عمر رضی اللہ عنہمانے کہا کہ سیّدنا ابوہریرہ رضی اللہ عنہ نے بیان کیا کہ جو دفن تک جنازہ کے ساتھ رہے اسے ایک قیراط کا ثواب ملے گا پھر سیّدنا ابن عمر رضی اللہ عنہمانے فرمایا کہ ابوہریرہ احادیث بہت زیادہ بیان کرتے ہیں پھر سیّدنا ابوہریرہ رضی اللہ عنہ کی سیدہ عائشہ رضی اللہ عنہانے بھی تصدیق کی اور فرمایا کہ میں نے رسول اللہ صلی اللہ علیہ وسلم سے یہ ارشاد خود سنا ہے اس پر سیّدنا ابن عمر رضی اللہ عنہمانے کہا کہ پھر تو ہم نے بہت سے قیراطوں کا نقصان اٹھایا۔