❮
❯
حدیث نمبر: 7602
وَعَنْ عَبْدِ اللَّهِ بْنِ أَبِي أَوْفَى : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "إِنَّهُ سَيَأْتِي لَيْلَةٌ مِثْلُ ثَلَاثِ لَيَالٍ مِنْ لَيَالِيكُمْ هَذِهِ، فَإِذَا كَانَتْ عَرَفَهَا الْمُتَهَجِّدُونَ يَقُومُ الرَّجُلُ فَيَقْرَأُ حِزْبَهُ، ثُمَّ يَنَامُ، ثُمَّ يَقُومُ، فَيَقْرَأُ حِزْبَهُ، ثُمَّ يَنَامُ، ثُمَّ يَقُومُ، فَيَقْرَأُ حِزْبَهُ، فَبَيْنَمَا هُمْ كَذَلِكَ إِذْ مَاجَ النَّاسُ بَعْضُهُمْ فِي بَعْضٍ، يَقُولُونَ: مَا هَذَا؟ فَيَفْزَعُونَ إِلَى الْمَسَاجِدِ، فَإِذَا هُمْ بِالشَّمْسِ قَدْ طَلَعَتْ مِنْ هَا هُنَا - مِنْ مَغْرِبِهَا - فَتَجِيءُ حَتَّى إِذَا تَوَسَّطَتِ السَّمَاءَ رَجَعَتْ، فَذَلِكَ حِينَ لَا يَنْفَعُ نَفْسًا إِيمَانُهَا لَمْ تَكُنْ آمَنَتْ مِنْ قَبْلُ أَوْ كَسَبَتْ فِي إِيمَانِهَا خَيْرًا ".
رَوَاهُ أَبُو يَعْلَى الْمَوْصِلِيُّ وَفِي سَنَدِهِ سُلَيْمَانُ بْنُ زَيْدٍ أَبُو إِدَامٍ، وَهُوَ ضَعِيفٌ.
ترجمہ

سیدنا عبداللہ بن ابی اوفیٰ رضی اللہ عنہ سے روایت ہے کہ میں نے رسول اللہ ﷺ کو یہ فرماتے ہوئے سنا: ”یقیناً ایک ایسی رات آئے گی جو تمہاری ان راتوں میں سے تین راتوں کے برابر لمبی ہوگی، پس جب وہ رات آئے گی تو تہجد گزار اسے پہچان لیں گے، (اس کی طوالت کا عالم یہ ہوگا کہ) ایک آدمی بیدار ہو کر اپنا معمول کا وظیفہ پڑھے گا، پھر سو جائے گا، پھر بیدار ہو کر اپنا وظیفہ پڑھے گا، پھر سو جائے گا، پھر بیدار ہو کر اپنا وظیفہ پڑھے گا، تو اسی اثنا میں لوگ گھبراہٹ کی وجہ سے ایک دوسرے میں گھس جائیں گے اور کہیں گے کہ یہ کیا معاملہ ہے؟ پھر وہ مساجد کی طرف پناہ لینے کے لیے دوڑیں گے، تو اچانک دیکھیں گے کہ سورج یہاں سے یعنی اپنے جائے مغرب سے طلوع ہو گیا ہے، پس وہ (بلندی کی طرف) آتا رہے گا یہاں تک کہ جب آسمان کے عین وسط میں پہنچے گا تو وہیں سے واپس لوٹ جائے گا، اور یہ وہ وقت ہوگا جب ﴿کسی ایسے شخص کو اس کا ایمان لانا فائدہ نہ دے گا جو اس سے پہلے ایمان نہ لایا ہو یا جس نے اپنے ایمان کی حالت میں کوئی نیکی نہ کمائی ہو﴾۔“ اس حدیث کو امام ابو یعلیٰ موصلی نے روایت کیا ہے اور اس کی سند میں سلیمان بن زید ابو ادام نامی راوی ہے جو کہ ضعیف ہے۔

حوالہ حدیث إتحاف الخيرة المهرة بزوائد المسانيد العشرة / كتاب الفتن / حدیث: 7602
درجۂ حدیث محدثین: إسناده ضعيف
تخریج حدیث «رواه أبو يعلى الموصلي وفي سنده سليمان بن زيد أبو إدام، وهو ضعيف»