إتحاف الخيرة المهرة بزوائد المسانيد العشرة
كتاب المناقب— مناقب (فضائل) کا بیان۔
باب فيما اشترك فيه فاطمة والحسن والحسين من الفضل، رضي الله عنهم باب: سیدہ فاطمہ، سیدنا حسن اور سیدنا حسین رضی اللہ عنہم کی مشترکہ فضیلت کا بیان۔
وَعَنْ أُسَامَةَ بْنِ زَيْدٍ رَضِيَ اللَّهُ عَنْهُمَا - قَالَ: "طَرَقْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ ذَاتَ لَيْلَةٍ لِبَعْضِ الْحَاجَةِ، فَخَرَجَ إِلَيَّ وَهُوَ مُشْتَمِلٌ عَلَى شَيْءٍ لَا أَدْرِي مَا هُوَ، قَالَ: فَلَمَّا فَرَغْتُ مِنْ حَاجَتِي، قُلْتُ: مَا هَذَا الَّذِي أَنْتَ مُشْتَمِلٌ عَلَيْهِ؟ فَكَشَفَهُ فَإِذَا حَسَنٌ وَحُسَيْنٌ عَلَى وَرِكَيْهِ، فَقَالَ: هَذَانِ ابْنَايَ وَابْنَا ابْنَتِي، اللَّهُمَّ إِنَّكَ تَعْلَمُ أَنِّي أُحِبُّهُمَا فَأَحِبَّهُمَا، ثَلَاثَ مَرَّاتٍ".
رَوَاهُ أَبُو بَكْرِ بْنُ أَبِي شَيْبَةَ ، وَرَوَاهُ عَبْدُ بْنُ حُمَيْدٍ ، وَالتِّرْمِذِيُّ دُونَ قَوْلِهِ: ثَلَاثَ مَرَّاتٍ.سیدنا اسامہ بن زید رضی اللہ عنہما سے روایت ہے کہ انہوں نے بیان کیا کہ ”میں ایک رات کسی ضرورت کے پیشِ نظر رسول اللہ ﷺ کی خدمت میں حاضر ہوا، تو آپ ﷺ اس حال میں باہر تشریف لائے کہ آپ ﷺ نے اپنے اوپر کوئی چیز لپیٹی ہوئی تھی جس کے بارے میں مجھے علم نہ ہوسکا کہ وہ کیا ہے، جب میں اپنی ضرورت سے فارغ ہوا تو میں نے عرض کی کہ اللہ کے رسول! یہ کیا چیز ہے جسے آپ نے لپیٹ رکھا ہے؟ پس آپ ﷺ نے اس سے پردہ ہٹایا تو وہاں سیدنا حسن اور سیدنا حسین رضی اللہ عنہما آپ ﷺ کے کولہوں پر سوار تھے، تب آپ ﷺ نے ارشاد فرمایا کہ ”یہ دونوں میرے بیٹے اور میری بیٹی کے بیٹے ہیں، «اَللّٰهُمَّ إِنَّكَ تَعْلَمُ أَنِّي أُحِبُّهُمَا فَأَحِبَّهُمَا» ”اے اللہ! یقیناً تو جانتا ہے کہ میں ان دونوں سے محبت کرتا ہوں، پس تو بھی ان سے محبت فرما“، آپ ﷺ نے یہ کلمات تین مرتبہ ارشاد فرمائے۔“ اس حدیث کو امام ابوبکر بن ابی شیبہ نے روایت کیا ہے، جبکہ امام عبد بن حمید اور امام ترمذی نے اسے ”تین مرتبہ“ کے الفاظ کے بغیر نقل کیا ہے۔