❮
❯
حدیث نمبر: 6755
وَعَنْ أُمِّ سَلَمَةَ - رَضِيَ اللَّهُ عَنْهَا - قَالَتْ: "كَانَ النَّبِيُّ صَلَّى اللَّهُ عَلَيْهِ وَسَلَّمَ نَائِمًا فِي بَيْتِي، فَجَاءَ الْحُسَيْنُ يَدْرُجُ قَالَتْ: فَقَعَدْتُ عَلَى الْبَابِ، فَأَمْسَكْتُهُ مَخَافَةَ أَنْ يَدْخُلَ فَيُوقِظَهُ. قَالَتْ: ثُمَّ غَفَلْتُ فِي شَيْءٍ فَدَبَّ فَدَخَلَ فَقَعَدَ عَلَى بَطْنِهِ، قَالَتْ: فَسَمِعْتُ نَحِيبَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَجِئْتُ فَقُلْتُ: يَا رَسُولَ اللَّهِ، مَا عَلِمْتُ بِهِ. فَقَالَ: إِنَّمَا جَاءَنِي جِبْرِيلُ - عَلَيْهِ السَّلَامُ - وَهُوَ عَلَى بَطْنِي قَاعِدٌ فَقَالَ لِي: أَتُحِبُّهُ؟ فَقُلْتُ: نَعَمْ. قَالَ: إِنَّ أُمَّتَكَ سَتَقْتُلُهُ أَلَا أُرِيكَ الْتُرْبَةَ الَّتِي يُقْتَلُ بِهَا؟ قَالَ: فَقُلْتُ: بَلَى. قَالَ: فَضَرَبَ بِجَنَاحِهِ فَأَتَانِي هَذِهِ التُّرْبَةَ. قَالَتْ: فَإِذَا فِي يَدِهِ تُرْبَةٌ حَمْرَاءُ وَهُوَ يَبْكِي وَيَقُولُ: لَيْتَ شِعْرِي مَنْ يَقْتُلُكَ بَعْدِي".
رَوَاهُ عَبْدُ بْنُ حُمَيْدٍ بِسَنَدٍ صَحِيحٍ، وَأَحْمَدُ بْنُ حَنْبَلٍ مُخْتَصَرًا، عَنْ عَائِشَةَ أَوْ أُمِّ سَلَمَةَ عَلَى الشَّكِّ.
ترجمہ

سیدہ ام سلمہ رضی اللہ عنہا سے روایت ہے کہ انہوں نے بیان فرمایا: ”نبی کریم ﷺ میرے گھر میں آرام فرما رہے تھے کہ اتنے میں سیدنا حسین رضی اللہ عنہ لڑکھڑاتے ہوئے (بچگانہ چال سے) تشریف لائے۔ سیدہ ام سلمہ رضی اللہ عنہا فرماتی ہیں کہ میں دروازے پر بیٹھ گئی اور انہیں پکڑ لیا تاکہ وہ اندر جا کر آپ ﷺ کو بیدار نہ کر دیں۔ وہ کہتی ہیں کہ پھر میں کسی کام میں مشغول ہو کر غافل ہو گئی تو وہ چپکے سے رینگتے ہوئے اندر چلے گئے اور آپ ﷺ کے شکم مبارک پر بیٹھ گئے۔ وہ بیان کرتی ہیں کہ پھر میں نے رسول اللہ ﷺ کے بلند آواز سے گریہ کرنے کی آواز سنی، میں حاضر ہوئی اور عرض کیا: اے اللہ کے رسول! مجھے ان کے اندر چلے جانے کا علم نہیں ہو سکا۔ آپ ﷺ نے فرمایا: ”میرے پاس ابھی جبریل علیہ السلام آئے تھے جبکہ یہ میرے پیٹ پر بیٹھے ہوئے تھے، انہوں نے مجھ سے پوچھا: کیا آپ اس سے محبت کرتے ہیں؟ میں نے جواب دیا: جی ہاں۔ انہوں نے کہا: بیشک آپ کی امت اسے عنقریب شہید کر دے گی، کیا میں آپ کو وہ مٹی نہ دکھاؤں جہاں یہ شہید کیا جائے گا؟“ آپ ﷺ نے فرمایا: ”میں نے کہا: کیوں نہیں! تو انہوں نے اپنے پر مارے اور مجھے یہ مٹی لا کر دے دی۔“ سیدہ ام سلمہ رضی اللہ عنہا فرماتی ہیں کہ آپ ﷺ کے دستِ مبارک میں سرخ مٹی تھی اور آپ ﷺ گریہ فرما رہے تھے اور ارشاد فرما رہے تھے: ”کاش مجھے معلوم ہوتا کہ میرے بعد وہ کون ہوگا جو تمہیں شہید کرے گا“۔“ اسے عبد بن حمید نے سندِ صحیح کے ساتھ روایت کیا ہے، اور امام احمد بن حنبل نے اسے مختصراً سیدہ عائشہ یا سیدہ ام سلمہ رضی اللہ عنہما سے (راوی کے) شک کے ساتھ روایت کیا ہے۔

حوالہ حدیث إتحاف الخيرة المهرة بزوائد المسانيد العشرة / كتاب المناقب / حدیث: 6755
درجۂ حدیث محدثین: إسناده صحيح
تخریج حدیث «رواه عبد بن حميد بسند صحيح، وأحمد بن حنبل مختصرا، عن عائشة أو أم سلمة على الشك»