إتحاف الخيرة المهرة بزوائد المسانيد العشرة
كتاب المناقب— مناقب (فضائل) کا بیان۔
مناقب الحسن بن علي بن أبي طالب رضي الله عنه باب: سیدنا حسن بن علی بن ابی طالب رضی اللہ عنہما کے مناقب۔
وَعَنْ زُهَيْرِ بْنِ الْأَقْمَرِ قَالَ: "خَطَبَ الْحَسَنُ بْنُ عَلِيٍّ بَعْدَ مَوْتِ عَلِيٍّ رَضِيَ اللَّهُ عَنْهُمَا - فَقَامَ رَجُلٌ مِنَ الْأَزْدِ آدَمُ طِوَالٌ فَقَالَ: إِنِّي رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ وَهَذَا فِي حَبْوَتِهِ فَقَالَ: إِنِّي أُحِبُّهُ فَأَحِبَّهُ لِيُبَلِّغِ الشَّاهِدُ الْغَائِبَ. وَلَوْلَا عَزْمَةُ رَسُولِ اللَّهِ صَلَّى اللَّهُ عَلَيْهِ وَسَلَّمَ مَا حَدَّثْتُكُمْ".
رَوَاهُ مُسَدَّدٌ وَأَبُو بَكْرِ بْنُ أَبِي شَيْبَةَ وَأَحْمَدُ بْنُ حَنْبَلٍ .قبیلہ ازد کے ایک گندم گوں اور دراز قد صحابیِ رسول رضی اللہ عنہ سے روایت ہے کہ جب سیدنا حسن بن علی رضی اللہ عنہما نے سیدنا علی رضی اللہ عنہ کی وفات کے بعد خطبہ ارشاد فرمایا تو وہ کھڑے ہوئے اور کہنے لگے: ”میں نے رسول اللہ ﷺ کو دیکھا کہ یہ (سیدنا حسن) آپ ﷺ کی گود میں تھے اور آپ ﷺ فرما رہے تھے: «إِنِّي أُحِبُّهُ فَأَحِبَّهُ لِيُبَلِّغِ الشَّاهِدُ الْغَائِبَ» ”میں اس سے محبت کرتا ہوں، لہٰذا تم بھی اس سے محبت کرو، اور چاہیے کہ جو یہاں موجود ہے وہ یہ بات ان تک پہنچا دے جو یہاں موجود نہیں ہیں۔“ اور اگر رسول اللہ ﷺ کا تاکیدی حکم نہ ہوتا تو میں تمہیں یہ حدیث کبھی بیان نہ کرتا۔“ اس حدیث کو امام مسدد، امام ابوبکر بن ابی شیبہ اور امام احمد بن حنبل نے روایت کیا ہے۔