سنن ابن ماجه

´نماز میں قرات شروع کرنے کا بیان۔`
ام المؤمنین عائشہ رضی اللہ عنہا کہتی ہیں کہ رسول اللہ صلی اللہ علیہ وسلم «الحمد لله رب العالمين» سے قراءت شروع کرتے تھے۔ [سنن ابن ماجه/كتاب إقامة الصلاة والسنة/حدیث: 812]

اردو حاشہ:
فوائد و مسائل:
(1)
﴿اَلْحَمْدُ لِلّٰهِ رَبِّ الْعٰلَمِيْنَ﴾ سے قراءت شروع کرنے کے دو مطلب ہوسکتے ہیں۔
ایک یہ کہ قراءت میں سورہ فاتحہ ضرور پڑھتے تھے۔
اس کے بعد کوئی دوسری صورت یا آیات تلاوت کرتے تھے۔
اس صورت میں (بسم اللہ)
بھی اونچی آواز میں پڑھنا ثابت ہوگا۔
کیونکہ وہ سورت فاتحہ کے ساتھ ہی شامل ہے۔
دوسرا مطلب یہ ہے کہ (بسم اللہ)
کی آیت جہر سے نہیں پڑھتے تھے۔
﴿اَلْحَمْدُ لِلّٰهِ ﴾ سے شروع کرتے تھے۔
صحابہ کرامرضوان اللہ عنہم اجمعین سے دونوں طرح کی روایات آئی ہیں۔
امام ترمذی رحمۃ اللہ علیہ نے (بسم اللہ)
جہر سے پڑھنے کے قائلین میں حضرت ابو ہریرہ رضی اللہ تعالیٰ عنہ حضرت ابن عمررضی اللہ تعالیٰ عنہ حضرت ابن عباس رضی اللہ تعالیٰ عنہ حضرت ابن زبیررضی اللہ تعالیٰ عنہ کے اسمائے گرامی ذکر کیے ہیں اور (بسم اللہ)
آہستہ پڑھنے والوں میں خلفاء اربعہ کے اسمائے گرامی بیان کیے ہیں۔
دیکھئے: (جامع ترمذی، الصلاۃ، باب ما جاء فی الترک الجھر بسم اللہ الرحمٰن الرحیم،   حدیث: 244  وباب من رائ الجھر بسم اللہ الرحمٰن الرحیم،   حدیث: 245)