سنن ابن ماجه
كتاب الطب— کتاب: طب کے متعلق احکام و مسائل
بَابُ : الْحِمْيَةِ باب: (کھانے پینے میں) پرہیز اور احتیاط کا بیان۔
حَدَّثَنَا عَبْدُ الرَّحْمَنِ بْنُ عَبْدِ الْوَهَّابِ , قَالَ : حَدَّثَنَا مُوسَى بْنُ إِسْمَاعِيل , حَدَّثَنَا ابْنُ الْمُبَارَكِ , عَنْ عَبْدِ الْحَمِيدِ بْنِ صَيْفِيٍّ مِنْ وَلَدِ صُهَيْبٍ , عَنْ أَبِيهِ , عَنْ جَدِّهِ صُهَيْبٍ , قَالَ : قَدِمْتُ عَلَى النَّبِيِّ صَلَّى اللَّهُ عَلَيْهِ وَسَلَّمَ وَبَيْنَ يَدَيْهِ خُبْزٌ وَتَمْرٌ , فَقَالَ النَّبِيُّ صَلَّى اللَّهُ عَلَيْهِ وَسَلَّمَ : " ادْنُ فَكُلْ " , فَأَخَذْتُ آكُلُ مِنَ التَّمْرِ , فَقَالَ النَّبِيُّ صَلَّى اللَّهُ عَلَيْهِ وَسَلَّمَ : " تَأْكُلُ تَمْرًا وَبِكَ رَمَدٌ ؟ " , قَالَ : فَقُلْتُ إِنِّي أَمْضُغُ مِنْ نَاحِيَةٍ أُخْرَى , فَتَبَسَّمَ رَسُولُ اللَّهِ صَلَّى اللَّهُ عَلَيْهِ وَسَلَّمَ .
´صہیب رضی اللہ عنہ کہتے ہیں کہ` میں نبی اکرم صلی اللہ علیہ وسلم کی خدمت میں حاضر ہوا ، آپ کے سامنے روٹی اور کھجور رکھی تھی ، آپ صلی اللہ علیہ وسلم نے فرمایا : ” قریب آؤ اور کھاؤ “ ، میں کھجوریں کھانے لگا تو نبی اکرم صلی اللہ علیہ وسلم نے فرمایا : ” تم کھجور کھا رہے ہو حالانکہ تمہاری آنکھ آئی ہوئی ہے “ ، میں نے عرض کیا : میں دوسری جانب سے چبا رہا ہوں تو رسول اللہ صلی اللہ علیہ وسلم مسکرا دیے ۔
حضرت صہیب (بن سنان رومی) رضی اللہ عنہ سے روایت ہے، انہوں نے فرمایا: ”میں نبی ﷺ کی خدمت میں حاضر ہوا جبکہ آپ ﷺ کے سامنے روٹی اور کھجوریں تھیں، نبی ﷺ نے فرمایا: ”آئیے! تناول کیجیے۔“ میں نے کھجوریں کھانا شروع کر دیں۔ نبی ﷺ نے فرمایا: ”تم کھجوریں کھا رہے ہو، حالانکہ تمہاری آنکھ دکھتی ہے؟“ میں نے کہا: ”میں دوسری طرف سے چبا رہا ہوں۔“ رسول اللہ ﷺ مسکرا دیے۔“
تشریح، فوائد و مسائل
صہیب رضی اللہ عنہ کہتے ہیں کہ میں نبی اکرم صلی اللہ علیہ وسلم کی خدمت میں حاضر ہوا، آپ کے سامنے روٹی اور کھجور رکھی تھی، آپ صلی اللہ علیہ وسلم نے فرمایا: " قریب آؤ اور کھاؤ "، میں کھجوریں کھانے لگا تو نبی اکرم صلی اللہ علیہ وسلم نے فرمایا: " تم کھجور کھا رہے ہو حالانکہ تمہاری آنکھ آئی ہوئی ہے "، میں نے عرض کیا: میں دوسری جانب سے چبا رہا ہوں تو رسول اللہ صلی اللہ علیہ وسلم مسکرا دیے۔ [سنن ابن ماجه/كتاب الطب/حدیث: 3443]
فوائد و مسائل:
(1)
مہمان کو کھانے کی پیش کش کی جائے۔
تو اسے چاہیے کہ تکلف نہ کرے۔
قبول کرلے۔
ہاں اگر اس کو ضرورت نہیں ہے تو اور بات ہے۔
(2)
بیمار کو کھانے پینے میں احتیاط سے کام لینا چاہیے۔
(3)
بزرگ شخصیت سے بھی مزاح کی بات کی جاسکتی ہے۔
بشرط یہ کہ ادب واحترام کی حدود سے تجاوز نہ ہو۔