سنن ابن ماجه

´حج عورتوں کا جہاد ہے۔`
ام المؤمنین ام سلمہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ” حج ہر ناتواں اور ضعیف کا جہاد ہے۔‏‏‏‏“ [سنن ابن ماجه/كتاب المناسك/حدیث: 2902]

اردو حاشہ:
فوائد و مسائل:
(1)
اللہ تعالی نے بعض معذوروں کو جہاد میں شریک نہ ہونے کی اجازت دی ہے۔
ارشاد ہے ﴿لَّيْسَ عَلَى الضُّعَفَاءِ وَلَا عَلَى الْمَرْضَىٰ وَلَا عَلَى الَّذِينَ لَا يَجِدُونَ مَا يُنفِقُونَ حَرَجٌ ﴾ (التوبة، 9: 91)
ضعیفوں بیماروں اور ان (ناداروں)
پر کوئی حرج نہیں جن کے پاس خرچ کرنے کو کچھ نہیں۔
اسی طرح عورتوں اور بچوں پر بھی جہاد فرض نہیں۔

(2)
عورتیں بچے اور بوڑھے جو جہاد نہیں کرسکتے اسی طرح نابینا اور لنگڑا وغیرہ ان سب کا یہی حکم ہے۔

(3)
ایسے معذوروں کے لیے قرب الہی اور عظیم ثواب حاصل کرنے کا ذریعہ حج اور عمرہ ہے۔
ان لوگوں کے لیے یہی مشقت جہاد کے برابر ہے۔