صحيح ابن خزيمه

کیونکہ اس میں مشقت اور خرچہ زیادہ ہے ۔ اللہ کی راہ میں جتنی مشقت اٹھائیں گے اور جتنا زیادہ مال خرچ کریںگے اتنا ہی اجر و ثواب بھی زیادہ ہوگا

سیدہ عائشہ رضی اللہ عنہا بیان کرتی ہیں کہ انھوں نے عرض کیا کہ اے اللہ کے رسول ، لوگ دو دو نیک اعمال ( حج اور عمرہ ) ادا کرکے جارہے ہیں اور میں ایک ہی عمل ادا کرکے واپس جاؤں گی ؟ آپ نے فرمایا : ” انتظار کرو جب تم حیض سے پاک ہو جاؤ تو مقام تنعیم چلی جانا ، وہاں سے عمرے کا احرام باندھ کر عمرہ ادا کر لینا پھر فلاں فلاں پہاڑ کے پاس ہمیں مل جانا ۔ جناب قاسم کہتے ہیں کہ میرے خیال میں کدیٰ پہاڑ کا نام لیا تھا ۔ لیکن تمہیں اس عمرے کا ثواب تمھاری مشقّت اور خرچے کے حساب سے ہوگا ۔ یا جیسا رسول اللہ صلی اللہ علیہ وسلم نے فرمایا ۔ جناب حسین بن حسن کی روایت میں ہے کہ ” لیکن تمہیں اس عمرے کا ثواب اتنا ہی ملیگا جتنا تم اس سفر میں خرچ کروگی اور جتنی مشقّت برداشت کروگی ۔ یا جیسا رسول اللہ صلی اللہ علیہ وسلم نے فرمایا ۔